Health Update : रणधीर कपूर यांच्या प्रकृतीत सुधारणा, निरीक्षणासाठी आयसीयूमध्ये

मुंबई : बॉलिवूडचे ज्येष्ठ अभिनेते रणधीर कपूर (Randhir Kapoor) यांना काही दिवसांपूर्वी कोरोनाची लागण झाली. त्यानंतर त्यांना मुंबईतील कोकिलाबेन रुग्णालयात दाखल करण्यात आलं आहे. रणधीर कपूर यांना सध्या काही चाचण्या करण्यासाठी आयसीयूमध्ये ठेवण्यात आलंय. रिपोर्ट्सनुसार आता रणधीर कपूर यांच्या प्रकृतीत सुधारना होत आहे.

रणधीर कपूर आयसीयूमध्ये

जेव्हा रणधीर यांना आयसीयूमध्ये शिफ्ट करण्यात आलं तेव्हा ते म्हणाले- रुग्णालयातील प्रत्येकजण माझी काळजी घेत आहे आणि टीना अंबानी यांचेही आभार. सर्व काही नियंत्रणात आहे. प्रत्येकजण माझ्यासाठी खूप काम करत आहे. रणधीर यांना जेव्हा थोडा त्रास जाणवला तेव्हा त्यांनी कोरोनाची चाचणी केली आणि त्यांचा अहवाल पॉझिटीव्ह झाला.

मुलगी करीना आणि करिश्मा यांचा रिपोर्ट निगेटिव्ह आला

रणधीर कपूर यांनी करीना आणि करिश्मा यांच्या संपर्कात आल्याचं सांगितलं होतं. या दोघींचीही कोरोना टेस्ट झाली असून त्यांचा रिपोर्टही निगेटिव्ह आला आहे. संपूर्ण कुटुंब सध्या विलगीकरणात आहे. तर रणधीर कपूर यांच्या सोबतच त्यांच्या कर्मचार्‍यांमधील 5 लोकही कोरोना पॉझिटिव्ह आले आहेत.

भावाच्या मालमत्तेवर केवळ आमचा अधिकार!

रणधीर कपूर आणि रीमा जैन यांचे वकील म्हणाले की, राजीव कपूरच्या मालमत्तेवर फक्त भाऊ-बहीणच हक्क दाखवू शकतात. आमच्याकडे त्यांच्या घटस्फोटाची कागदपत्रे नाहीत. आम्ही ती शोधण्याचा प्रयत्न करत आहोत. परंतु, ती सापडली नाही. त्यांना घटस्फोटाची कागदपत्रे सादर करण्यापासून सूट देण्यात यावी. यावर न्यायाधीश गौतम म्हणाले की, घटस्फोटाच्या आदेशाची कागदपत्रे सादर न करण्यासाठी सूट देण्यास न्यायालय तयार आहे, परंतु स्वीकृतीपत्र आधी दिले जावे. या प्रकरणातील सुनावणी आता पुढे ढकलण्यात आली आहे.

भावा-बहिणींना द्यावे लागणार पैसे!

आपल्या वडिलोपार्जित घराविषयी सांगताना रणधीर म्हणाले की, ‘माझ्या आई-वडिलांनी मला सांगितले होते की, मी या घरात मला जेवढे वाटेल तेवढे दिवस राहू शकतो. परंतु, ज्या दिवशी मी हे घर विकेन, तेव्हा त्यातून मिळणारे पैसे मला ऋषी, राजीव, ऋतु आणि रीमा यांच्यात वाटून घ्यावे लागतील.’

रणधीर यांनी यापूर्वीच वांद्रे येथे घर विकत घेतले आहे आणि तो आता पूर्णपणे तयार झाले आहे. रिपोर्ट्सनुसार रणधीर लवकरच नव्या घरात शिफ्ट होणार आहेत (Randhir Kapoor decided to sell his ancestral house).

संबंधित बातम्या

Akshay Kumar : गर्भवती महिलांच्या मदतीसाठी अक्षय कुमार मैदानात, म्हणतो काळ कठीण, आता….

Photo : ‘आज ब्लू है पानी पानी पानी…’, सोन्या अयोध्याचा हॉट अवतार…