विजय – रश्मिका करतायेत सीक्रेट डेटिंग? ‘तो’ फोटो समोर आल्यानंतर चाहत्यांचा अंदाज

मुंबई : बॉलिवूडमध्ये सेलिब्रिटींच्या कामापेक्षा अधिक त्यांच्या खासगी आयुष्याची चर्चा तुफान रंगलेली असते. एखाद्या प्रसिद्ध सेलिब्रिटीसोबत कोणाचं नाव जोडण्यात आलं, तर ते रिलेशनशिपमध्ये असल्याच्या चर्चा जोर धरु लागतात. यासर्व रंगणाऱ्या चर्चांना पूर्णविराम देण्यासाठी अनेक सेलिब्रिटी त्यांच्या नात्याचा स्वीकार सर्वांसमोर करतात. तर काही मात्र त्यांचं खासगी आयुष्य गुपित ठेवतात. अशाच सेलिब्रिटींपैकी एक म्हणजे अभिनेता विजय देवरकोंडा आणि अभिनेत्री रश्मिका मंदाना.

गेल्या अनेक दिवसांपासून विजय आणि रश्मिका एकमेकांना डेट करत असल्याची चर्चा रंगत आहे. पण दोघांही कायम त्यांच्या नात्याबद्दल बोलणं टाळतात. सध्या दोघांचा एक फोटो सोशल मीडियावर तुफान व्हायरल होत आहे. ज्यामध्ये दोघांचा फोटो कोलाज केलेला दिसत आहे.

फोटोमध्ये एका ठिकणी विजय दिसत आहे, तर दुसऱ्या ठिकाणी रश्मिका दिसत आहे. फोटोमध्ये चाहत्यांचं लक्ष केंद्रीत करणारी गोष्ट म्हणजे दोघे एकाच ठिकाणी असल्याचं दिसत आहे. फोटो व्हायरल होताच दोघांनी नव्या वर्षाचं स्वागत मालदीवमध्ये केल्याचा संशय चाहत्यांनी व्यक्त केला.

View this post on Instagram

A post shared by Instant Bollywood (@instantbollywood)

सांगायचं झालं तर, विजय-रश्मिका दोघांनी नव्या वर्षाचं स्वागत मालदीवमध्ये केलं. पण दोघांनी याबद्दल चाहत्यांना सांगितलेलं नाही. महत्त्वाचं म्हणजे दोघांची जोडी चाहत्यांना रिल आणि रियल आयुष्यात देखील आवडते. दोघांचा फोटो व्हायरल झाल्यानंतर चाहते त्यांना शुभेच्छा देत आहेत.

एवढंच नाही, तर दोघांनी नव्या वर्षाच्या शुभेच्छा देखील सोशल मीडियाच्या माध्यमातून चाहत्यांना दिल्या. खास फोटो पोस्ट करत अभिनेता म्हणाला, ‘एक वर्ष जे काही क्षणांसाठी कायम खास राहिल… जेव्हा आपण एकत्र हासलो, गुपचूप रडलो, स्वप्नाचा पाठलाग केला, काही गोष्टी जिंकलो, तर काही गमावलं…. सर्व क्षण साजरा करण्याची गरज आहे… कारण हे आयुष्य आहे…’ असं खास कॅप्शन अभिनेत्याने लिहिलं.

एक फोटो पोस्ट करत रश्मिकाने कॅप्शनमध्ये, ‘Hello 2023…’ असं लिहिलं आहे. दोघांचे अनेक फोटो आणि व्हिडीओ देखील सोशल मीडियावर तुफान व्हायरल होत असतात. चाहत्यांना देखील दोघांची जोडी प्रचंड आवडते. पण दोघे कधी त्यांच्या नात्याचा स्वीकार सर्वांसमोर करतील? याकडे चाहत्यांचे लक्ष आहे.