‘सामी सामी’ गाण्यावर चिमुकलीचा अफलातून डान्स; व्हिडीओ पाहून रश्मिका म्हणाली..
रश्मिका लवकरच बॉलिवूडमध्ये पदार्पण करणार आहे. विकास बहल दिग्दर्शित 'गुडबाय' या चित्रपटातून ती बॉलिवूडमध्ये एण्ट्री करणार आहे. यामध्ये अमिताभ बच्चन, नीना गुप्ता आणि सुनील ग्रोव्हर यांच्याही भूमिका आहेत.
अल्लू अर्जुन आणि रश्मिका मंदाना (Rashmika Mandanna) यांचा ‘पुष्पा: द राईज’ (Pushpa) हा चित्रपट बॉक्स ऑफिसवर तुफान गाजला. यातील गाणी आणि डायलॉग सोशल मीडियावर लोकप्रिय ठरली. अनेकांनी त्यावर व्हिडीओ बनवून सोशल मीडियावर पोस्ट केले. असाच एक व्हिडीओ सध्या सोशल मीडियावर व्हायरल होत आहे. ‘पुष्पा’मधील ‘सामी सामी’ (Sami Sami) या गाण्यावर एका शाळेतल्या मुलीने अफलातून डान्स केल्याचा हा व्हिडीओ आहे. खुद्द रश्मिकाने या व्हिडीओवर प्रतिक्रिया दिली आहे.
‘या क्यूट मुलीने माझा दिवस गोड केला, मला तिला भेटायची इच्छा आहे’, अशी प्रतिक्रिया रश्मिकाने व्हिडीओवर दिली. सुकुमार दिग्दर्शित ‘पुष्पा’ या चित्रपटात रश्मिकाने श्रीवल्ली ही भूमिका साकारली. शाळेतल्या लहान मुलीचा आपल्या गाण्यावरील डान्स पाहून ती खूप खूश झाली.
Maaaaadddddeeeeee myyyyy daaaaaay.. I want to meet this cutie..? how can I? ? https://t.co/RxJXWzPlsK
— Rashmika Mandanna (@iamRashmika) September 14, 2022
रश्मिका लवकरच बॉलिवूडमध्ये पदार्पण करणार आहे. विकास बहल दिग्दर्शित ‘गुडबाय’ या चित्रपटातून ती बॉलिवूडमध्ये एण्ट्री करणार आहे. यामध्ये अमिताभ बच्चन, नीना गुप्ता आणि सुनील ग्रोव्हर यांच्याही भूमिका आहेत. येत्या 7 ऑक्टोबर रोजी हा कॉमेडी ड्रामा प्रेक्षकांच्या भेटीला येणार आहे.
यासोबतच पुष्पा या चित्रपटाच्या सीक्वेलच्या शूटिंगलाही सुरुवात झाली. यामध्येही अल्लू अर्जुन आणि रश्मिकाच्या मुख्य भूमिका पहायला मिळतील. त्याचप्रमाणे सुकुमार हेच सीक्वेलचं दिग्दर्शन करणार आहेत. नॅशनल क्रश म्हणून ओळखल्या जाणाऱ्या रश्मिकाने गीता गोविंदम, डिअर कॉम्रेड, सरिले नीकेव्वरू, भीष्म यांसारख्या दाक्षिणात्य चित्रपटांमध्ये भूमिका साकारल्या आहेत. ती एक्स्प्रेशन क्वीन म्हणूनही ओळखली जाते.
