Salman Khan : इतकी इज्जत तर…, सलमान खानने सर्वांसमोर कोणाला बजावलं, प्रकरण नेमकं काय? चर्चांना उधाण

Salman Khan

Salman Khan : 22 ऑक्टोरबर रोजी मुंबईत IIFA 2027 साठी पत्रकार परिषद आयोजित करण्यात आली होती. या कार्यक्रमाला सलमान खान, करीना कपूर, वरुण धवन, शाहिद कपूर आणि पंकज त्रिपाठी यांच्यासह अनेक कलाकार उपस्थित होते. विशेषतः सलमान खानच्या लूकने सर्वांचं लक्ष वेधून घेतले; तो एका स्टायलिश सूटमध्ये आणि गॉगल लावून आला होता. दरम्यान, यावेळी सलमानने पापाराझींना पुन्हा एकदा इशारा दिल्याचेही पाहायला मिळालं. ‘इतकी तर इज्जत ठेवूच शकता…’, असं म्हणत अभिनेत्याने पापाराझींना चांगलंच बजावलं… सलमान खान याने असं का केलं जाणून घ्या.

आयफा 2027 च्या पत्रकार परिषदेसाठी सलमान खान उपस्थित होता. दरम्यान सलमान खान याचा एक व्हिडीओ सोशल मीडियावर व्हायरल होत आहे. पत्रकार परिषदेत पोहोचण्यापूर्वी सलमान खान पापाराझींना पोज देताना दिसला. यवेळी त्याने पापाराझींना चेतावनी देखील दिली… सलमान खान म्हणाला, ‘आणि ते लक्षात आहे ना तुम्हाला… इतकी इज्जत तर तुम्ही देऊच शकता…’ त्यानंतर सलमान खान तेथून जातो…

संबंधित प्रकरणाबद्दल सांगायचं झालं तर, ‘बिग बॉस 20’ च्या वीकेंड का वार एपिसोडमध्ये सलमान खान याने ट्रोल्स आणि पापाराझींच्या पाठीमागून फोटो काढण्याच्या मुद्द्यावर कडक शब्दांत फटकारले होतं. तसेच, जर कोणी मागून असं करत असेल तर त्यांना कानशिलात मारावी, असा सल्ला अभिनेत्रींना दिला होता. अशा परिस्थितीत, आता सलमान खानने आयफा 2027 च्या इव्हेंटमध्ये पापाराझींना पुन्हा एकदा हा मुद्दा आठवून दिला आहे आणि त्यांना पाठीमागून फोटो काढू नका, अशी ताकीद दिली आहे.

सलमान खान याच्या वर्कफ्रंटबद्दल सांगायचं झालं तर, अभिनेता सध्या ‘बिग बॉस 20’ होस्ट करत आहे. याशिवाय, तो ‘मातृभूमी’ या सिनेमात झळकणार आहे, ज्याचं आधीचे नाव ‘बॅटल ऑफ गलवान’ होतं. या सिनेमाला भारत सरकारची मंजुरी मिळाली आहे. या सिनेमाची कथा आधी गलवान खोऱ्यातील भारत-चीन चकमकीवर आधारित होती, परंतु सरकारच्या निर्देशानुसार यात काही बदल करण्यात आले. या सिनेमात चित्रांगदा सिंह महत्त्वाची भूमिका साकारणार आहे. सिनेमा 2026 च्या शेवटी किंवा पुढच्या वर्षी प्रदर्शित केला जाऊ शकतो. याची अधिकृत रिलीज डेट अद्याप समोर आलेली नाही.