शमिता शेट्टी हिचा एक्स-बॉयफ्रेंड Raqesh Bapat ची प्रकृती खालावली; रुग्णालयातील फोटो समोर

मुंबई | 1 ऑगस्ट 2023 : अभिनेत्री शमिता शेट्टी (Shamita Shetty) हिचा एक्स बॉयफ्रेंड आणि अभिनेता राकेश बापट (Raqesh Bapat) याला रुग्णालयात दाखल करण्यात आलं आहे. राकेश याने सोशल मीडियावर एक फोटो पोस्ट केला आहे. ज्यामध्ये अभिनेत्याच्या हाताला ड्रिप लागल्याचं दिसून येत आहे. पण फोटोमध्ये अभिनेत्याचा चेहरा दिसत नाही. इन्स्टाग्राम स्टोरीवर फोटो पोस्ट करताच अभिनेत्याचा फोटो सोशल मीडियावर तुफान व्हायरल झाला आहे. चाहते देखील चिंता व्यक्त करत राकेश याला नक्की झालं तरी काय? असं विचारत आहेत. पण अभिनेत्याला नक्की काय झालं असेल… याबद्दल माहिती मिळू शकलेली नाही. सध्या सर्वत्र अभिनेत्याने पोस्ट केलेल्या फोटोची चर्चा रंगत आहे.

अनेक मालिका, सिनेमे आणि बिग बॉसमुळे प्रसिद्धी झोतात आलेल्या राकेश बापट याची प्रकृती खालावली आहे.. असं अभिनेत्याच्या सोशल मीडिया पोस्टमुळे कळत आहे. अभिनेता बेडवर झोपला असून त्याच्या हाताला ड्रिप असल्याचं फोटोमध्ये दिसत आहे. अभिनेत्याचा फोटो पाहून चाहते चिंता व्यक्त करत आहेत.

राकेश बापट फक्त त्याच्या खासगी नाही तर, प्रोफेशनल आयुष्यामुळे देखील कायम चर्चेत असतो. बिग बॉसमुळे अभिनेत्याच्या लोकप्रियतेत वाढ झाली. पण अभिनेत्री शिल्पा शेट्टी हिची बहीण शमिता शेट्टी हिच्यासोबत असलेल्या नात्यामुळे अभिनेता तुफान चर्चेत आला. पण दोघांचं नातं फार काळ टिकलं नाही. अखेर दोघांनी विभक्त होण्याचा निर्णय घेतला.

शमिता शेट्टी हिच्यासोबत ब्रेकअप झाल्यानंतर राकेश पोस्ट करत म्हणाला, ‘मला सर्वांना सांगायचं आहे की, मी आणि शमिता आता विभक्त झाले आहोत. ऐकून तुम्हाला वाईट वाटेल. तुम्ही आम्हा दोघांवर पूर्वीप्रमाणे प्रेम कराल अशी आशा करतो…’ असं राकेश म्हणाला होता. दोघांच्या जोडीला चाहत्यांनी डोक्यावर घेतलं पण राकेश आणि शमिता यांचं नातं फार काळ टिकलं नाही.

राकेश बापट याच्याबद्दल सांगायचं झालं तर, अभिनेता सात फेरे’, ‘होंगे जुदा ना हम’, ‘कुबूल है’, ‘ये है आशिकी’, ‘बहु हमारी रजनीकांत’ आणि ‘इश्क में मरजावां’ यांसारख्या मालिकांमध्ये महत्त्वाची भूमिका साकारत चाहत्यांच्या मनावर अभिनेत्याने राज्य केलं.