लोकप्रिय सेलिब्रिटींनी दत्तक घेतलेल्या लेकी आज उच्च शिखरावर, एक एअर होस्टेस, तर दुसरी स्टायलिस्ट आन्…
झगमगत्या विश्वात असे अनेक सेलिब्रिटी आहेत, ज्यांनी मुली दत्तक घेतल्या आणि त्यांना स्वतःच्या पोटच्या मुलींसारखं सांभाळं. आज त्याच मुली विविध क्षेत्रात स्वतःचं नाव मोठं करत आहे. एकीने बॉलिवूडमध्ये पदार्पण केलं, तर दुसरी एअर होस्टेस... तर जाणून घ्या ते सेलिब्रिटी कोण आहेत, ज्यांनी अनाथ मुलींना चांगलं घर आणि भविष्य दिलं....
बॉलिवूड सेलिब्रिटी कायम त्यांच्या रॉयल आणि आलिशान आयुष्यामुळे चर्चेत असतात. हेच सेलिब्रिटी पडद्यामागे किती चांगली कामं करतात हे दिसून येत नाही. बॉलिवूडमध्ये काही सेलिब्रिटी असे आहेत, ज्यांनी मुली दत्तक घेतल्या आणि त्यांचा स्वतःच्या पोटच्या मुलींप्रमाणे सांभाळ केला. एका प्रसिद्ध अभिनेत्याने कचऱ्याच्या ठिगाऱ्यात पडलेल्या मुलीला स्वतःच नाव दिलं आणि तिला बापाची माया लावली… या यादीमध्ये अभिनेते मिथुन चक्रवर्ती यांच्यापासून अभिनेत्री सुष्मिता सेन देखील सामिल आहे. आज याच सेलिब्रिटींनी दत्तक घेतलेल्य मुली यशाच्या उंच शिखरावर पोहोचल्या आहेत… आज सेलिब्रिटींच्या दत्तक मुलांबद्दल जाणून घेवू…
रेने सेन (Renee Sen) | बॉलिवूडची प्रसिद्ध अभिनेत्री सुष्मिता सेन हिने एका गोंडस मुलीला दत्तक घेतलं आणि तिचं नाव रेने सेन असं ठेवलं. रेने हिला अभिनेत्री म्हणून स्वतःची ओळख निर्माण करायची आहे. 22 वर्षीय रेने हिने अभिनय क्षेत्रात पदार्पण केलं आहे. तिने 2020 साली प्रदर्शित झालेल्या ‘सुट्टाबाजी’ सिनेमात काम केलं आहे. सिनेमा ओटीटी प्लॅटफॉर्म डिज्नी+हॉटस्टार उपस्थित आहे. रेने सोशल मीडियावर देखील कायम सक्रिय असते.
मेघना घई (Meghna Ghai) | सुभाष घई यांनी त्यांच्या भावाची मुलगी मेघना हिला दत्तक घेतलं. त्यांनी मेघनाला मीडिया आणि पापाराझींपासून नेहमीच दूर ठेवलं. मेघना घई पुरी या मुंबईतील व्हिसलिंग वुड्स इंटरनॅशनलच्या अध्यक्षा आहेत.
दिशानी चक्रवर्ती (Dishani Chakraborty) | दिग्गज अभिनेते मिथुन चक्रवर्ती यांनी मुलगी दिशानी हिला कचऱ्याच्या ठिगाऱ्यातून आणलं होतं. त्यानंतर मिथुन यांनी त्या मुलीला स्वतःचं नाव दिलं. दिशानी हिने न्ययॉर्क येथील फिल्म ऍकडमी मधून फिल्म मेकिंगचं शिक्षण घेतलं. दिशानी हिला अभिनयात रस आहे आणि दिशानी हिने दोन शॉर्ट फिल्ममध्ये काम देखील केलं आहे.
छाया टंडन (Chaya Tandon) | अभिनेत्री रवीना टंडन हिने वयाच्या 21 व्या वर्षी छायाला दत्तक घेतलं. रवीनाच्या दत्तक मुलीचं लग्न झालं आहे. पण छाया एक एअर होस्टेस आहे. रवीना हिच्यासोबत छायाचे अनेक फोटो सोशल मीडियावर तुफान व्हायरल होत असतात.
अर्पिता खान (Arpita Khan) | खान कुटुंबाची लाडकी लेक म्हणजे अर्पिता खान… सलमान खान याची लाडकी बहीण अर्पिता खान आज अभिनेत्री नसली तरी, प्रचंड प्रसिद्ध आहे. भाईजान याचे वडील सलीन यान यांनी रस्त्यावर रडत असलेल्या अर्पिताला घरी आणलं आणि स्वतःच्या लेकीप्रमाणे तिचा सांभाळ केला. अर्पिता एक प्रसिद्ध फॅशन डिझायनर आणि स्टायलिस्ट आहे.
