वडिलांच्या निधनानंतर ‘दयाबेन’ची झाली अशी अवस्था; पूर्णपणे खचला भाऊ
'तारक मेहता का उल्टा चष्मा' या मालिकेत दयाबेनची भूमिका साकारून घराघरात पोहोचलेली अभिनेत्री दिशा वकानी हिच्या वडिलांचं मंगळवारी निधन झालं. दिशाचे वडील भीम वकानी गेल्या काही दिवसांपासून आजारी होते.
‘तारक मेहता का उल्टा’ या मालिकेत दयाबेनची भूमिका साकारलेली अभिनेत्री दिशा वकानी हिच्यावर दु:खाचा डोंगर कोसळला आहे. दिशाचे वडील भीम वकानी यांचं निधन झालं आहे. वयाच्या 84 व्या वर्षी त्यांनी अखेरचा श्वास घेतला. गेल्या काही काळापासून ते आजारी होते. अखेर 7 एप्रिल रोजी सकाळी 8.30 वाजताच्या सुमारास त्यांची प्राणज्योत मालवली. दिशा आणि तिच्या कुटुंबीयांसाठी हा अत्यंत कठीण काळ आहे. तिचा भाऊ आणि अभिनेता मयूर वकानीसुद्धा पूर्णपणे खचला आहे. सोशल मीडियावर भीम वकानी यांच्या अंत्यविधीचे काही व्हिडीओ व्हायरल होत आहेत. या कठीण काळात वकानी कुटुंबीय एकमेकांना सावरताना आणि धीर देताना दिसत आहेत.
या व्हिडीओमध्ये दिशाचा भाऊ मयूरचे डोळे पाणावल्याचं स्पष्ट पहायला मिळतंय. वडिलांना गमावल्यानंतर मयूर अतीव दु:ख झालं असून त्याच्या अश्रूंचा बांध फुटला आहे. दिशानेही तिच्या वडिलांना अखेरचा निरोप दिला. आणखी एका व्हिडीओमध्ये भीम वकानी यांचं पार्थिवर स्मशानभूमीकडे नेताना मयूरला दु:ख अनावर झाल्याचं पहायला मिळतंय. यावेळी दिशाने दुप्पट्याने तिचा चेहरा झाकण्याचा प्रयत्न केला आहे.
View this post on Instagram
दिशाचे वडील भीम वकानी हे गुजराती थिएटर आर्टिस्ट होते. त्यांनी आमिर खानच्या ‘लगान’, शाहरुख खानच्या ‘स्वदेस’ आणि माधुरी दीक्षितच्या ‘लज्जा’ या चित्रपटांमध्ये काम केलं होतं. ते दिशाच्या ‘तारक मेहता का उल्टा चष्मा’ या मालिकेच्या एका खास एपिसोडमध्येही झळकले होते. भीम वकानी यांनी हिंदीसोबतच गुजराती चित्रपटांमध्येही भूमिका साकारल्या होत्या. दिशाला तिच्या वडिलांमुळेच अभिनयात संधी मिळाली होती. तिने वडिलांसोबत बालकलाकार म्हणून रंगभूमीवर काम करण्यास सुरुवात केली होती.
दिशा वकानीला ‘तारक मेहता का उल्टा चष्मा’ या मालिकेतून प्रचंड प्रसिद्धी आणि लोकप्रियता मिळाली. या मालिकेत दयाबेनची भूमिका साकारून ती घराघरात पोहोचली. तिने काही वर्षांपूर्वी बाळंतपणासाठी मालिकेतून ब्रेक घेतला होता. परंतु त्यानंतर ती परतलीच नाही. दिशा तिच्या कौटुंबिक आयुष्याकडे अधिक लक्ष केंद्रीत आहे. मालिकेत काम करत नसली तरी निर्माते असितकुमार मोदी यांच्यासोबत तिचं बहिण-भावाचं नातं आहे. रक्षाबंधनला ती आवर्जून राखी बांधायला त्यांच्याकडे जाते.
