तारक मेहता का उल्टा चष्माच्या एका एपिसोडसाठी शैलेश लोढा घेत होते तब्बल इतकी लाख फी…

मुंबई : तारक मेहता का उल्टा चष्मा मालिका गेल्या कित्येक वर्षांपासून प्रेक्षकांच्या मनावर अधिराज्य गाजवते आहे. तारक मेहता का उल्टा चष्मा ही मालिका घरातील लहान मुलांपासून ते मोठ्यांपर्यंत सर्वांनाच प्रचंड आवडते. दयाबेन, जेठालाल, तारक मेहता, भिडे, माधवी भाभी, बबिता जी, डाॅक्टर हाथी, कोमल भाभी, टप्पू सेना हे मालिकेतील महत्वाचे पात्र आहेत. तारक मेहता का उल्टा चष्मामध्ये जेठालाल आणि तारक मेहताची एक सुंदर अशी मैत्री दाखवण्यात आलीये. मात्र, काही दिवसांपूर्वी मालिकेत तारक मेहताचे पात्र साकारणारे शैलेश लोढा यांनी मालिकेला कायमचा राम राम ठोकलाय.

प्रेक्षकांना शैलेश लोढा यांनी मालिका सोडलीये, हे अजिबात आवडले नाही. कारण तारक मेहता म्हणून सर्व लोक शैलेश लोढा यांच्याकडे पाहत होते. शैलेश लोढा यांची सोशल मीडियावर जबरदस्त अशी फॅन फाॅलोइंग आहे. त्यांचे आज करोडो चाहते आहेत. शैलेश लोढा यांनी नेमक्या कोणत्या कारणामुळे मालिकेला राम राम केला, हा थोडा वेगळा विषय आहे. परंतू मालिकेत सर्वसामान्य माणसाचे जीवन दाखवणारे शैलेश लोढा रिअल लाईफमध्ये करोडपती आहेत.

शैलेश लोढा यांनी तारक मेहता का उल्टा चष्मा या मालिकेतून बक्कळ पैसा कमावला आहे. इतकेच नाही तर कवी संमेलनातून शैलेश लोढा यांना चांगला पैसा मिळतो. तारक मेहता का उल्टा चष्माच्या एका एपिसोडसाठी 1 लाखाची फी शैलेश लोढा घेत असत. रिपोर्टनुसार शैलेश लोढा यांची एकूण संपत्ती तब्बल सात कोटी आहे. शैलेश लोढाकडे ऑडी, मर्सिडीज बेंझ यासारख्या अनेक आलिशान कार असून  मुंबईत त्यांचे घर आहे.