तुनिशा शर्मा हिला उर्दू शिकवायचा शीजान खान, अभिनेत्रीच्या आईने केले धक्कादायक खुलासे

मुंबई : टीव्ही अभिनेत्री तुनिशा शर्मा हिने 24 डिसेंबरला मालिकेच्या सेटवर गळफास घेत आत्महत्या केली. तुनिशाच्या आत्महत्येनंतर तिच्या आईने शीजान खान याच्यावर गंभीर आरोप केले. तुनिशा आणि शीजान खान अली बाबा: दास्तान-ए-काबुल या मालिकेमध्ये मुख्य भूमिकेमध्ये होते. तुनिशा हिने शीजान खान याच्याच मेकअप रूममध्ये गळफास घेतल्याने मोठी खळबळ निर्माण झाली. आपल्या मुलीच्या आत्महत्येला शीजान खान हाच कारणीभूत असल्याचे परत एकदा तुनिशा शर्मा हिच्या आईने म्हटले आहे.

तुनिशा शर्मा आणि शीजान खान हे दोघे रिलेशनशिपमध्ये होते. मात्र, तुनिशाच्या आत्महत्येच्या 15 दिवस अगोदरच शीजान आणि तुनिशा यांचे ब्रेकअप झाले होते. यामुळे तुनिशा ही तणावामध्ये होती आणि यामुळेच तिने आत्महत्या केल्याचे सांगितले जात आहे.

नुकताच तुनिशा शर्मा हिच्या आईने शीजान खान याच्यावर गंभीर आरोप केले आहेत. माझ्या मुलीला माझ्यापासून शीजान खान याने दूर केल्याचा आरोप आता तुनिशाच्या आईने केला आहे. शीजानमुळे माझी मुलगी मला काहीच सांगत नव्हती असे त्यांनी म्हटले आहे.

तुनिशा शर्माच्या आईने यावेळी अजून एक गंभीर आरोप केला असून त्यांनी म्हटले आहे की, माझ्या मुलीला शीजान खान आणि त्याचे कुटुंबिय उर्दू शिकवत होते. तोच नाहीतर त्याच्या घरातील लोकांसोबत त्याने तुनिशाचे एक रिलेशन तयार करून दिले होते.

तुनिशाची आई म्हणाली की, माझ्या मुलीला माझ्यापेक्षा ते जास्त जवळचे वाटत होते. मी तिला शीजान आणि तिच्या रिलेशनबद्दल विचारले तर तिने यावर उत्तर देणे टाळले होते नेहमीच. यांनी माझ्या मुलीलाच माझ्यापासून दूर केले होते.

तुनिशाची आई पुढे म्हणाली, मी या शीजान खानला सोडणार नाहीये….याच्यामुळेच माझी मुलगी मला आणि जगाला सोडून गेली आहे. याने फक्त आणि फक्त माझ्या मुलीचा वापर करून घेतला आहे. शीजान खान याला शिक्षा झालीच पाहिजे.

मी यापूर्वी शीजान याला म्हटले होते की, तू दुसरीकडे रिलेशनशिपमध्ये आहेस तर तू हे सर्व तुनिशाला सांगून टाक…परंतू त्यावेळी तो मला म्हटला होता की, साॅरी आंटी मी तुमची काहीच मदत करू शकत नाही.