पूनम पांडे हिच्या खोट्या मृत्यूची तयारी महिन्यांपासून सुरू, हैराण करणारे खुलासे, अभिनेत्रीसह..

मुंबई : माॅडेल आणि अभिनेत्री पूनम पांडे हिचे निधन झाल्याची एक पोस्ट सोशल मीडियावर शेअर करण्यात आली. ही पोस्ट पाहून सर्वांनाच मोठा धक्का बसला. फक्त हेच नाही तर अनेकांनी सोशल मीडियावर पोस्ट शेअर करत पूनम पांडेच्या निधनाचे दु:ख व्यक्त केले. धक्कादायक आणि हैराण करणारे म्हणजे थेट पूनम पांडे हिच्याच सोशल मीडियावरून तिचे निधन झाल्याचे सांगितले गेले. पूनम पांडे हिचे निधन गर्भाशयातील कॅन्सरने झाल्याचे सांगितले. मात्र, पूनम पांडे हिच्या निधनाबद्दल सुरूवातीपासूनच मोठा संभ्रम हा बघायला मिळाला. विविध चर्चा या रंगताना दिसल्या.

पूनम पांडे हिने निधनाच्या पोस्टनंतर तब्बल 24 तासांनी एक व्हिडीओ सोशल मीडियावर शेअर करत थेट आपण जिवंत असल्याचे म्हटले. यानंतर लोकांनी जोरदार समाचार घेत चक्क पूनम पांडे हिची लाजच काढली. फक्त लाजच नाही तर अनेकांनी थेट सोशल मीडियावर पोस्ट शेअर करत पूनम पांडे हिच्यावर कारवाई करण्याची मागणी केली.

नुकताच एक अत्यंत हैराण करणारा खुलासा झालाय. चक्क गेल्या कित्येक महिन्यांपासून तरी पूनम पांडे ही तिच्या खोट्या मृत्यूची तयारी करत होती. यावर गेल्या काही महिन्यांपासून तयारी सुरू होती. कशाप्रकारे पोस्ट शेअर करायची आणि लोकांमध्ये संभ्रम अंत्यसंस्काराबाबत करायचा हे सर्वकाही अगोदरच ठरले होते.

पूनम पांडे हिने अगोदरच व्हिडीओमध्ये सांगितले की, गर्भाशयातील कॅन्सरबाबत लोकांमध्ये जनजागृती निर्माण करण्यासाठी आपण हे केले. हेच नाही तर लोक शिव्या घालणार याचीही कल्पना होती. म्हणजेच पूनम पांडे हिच्या खोट्या निधनाबद्दल गेल्या काही महिन्यांपासून तयारी सुरू होती.

पूनम पांडे हिने आपल्या करिअरची सुरूवात ही बाॅलिवूड चित्रपटांपासून केली. पूनम पांडे ही सोशल मीडियावरही प्रचंड सक्रिय दिसते. नेहमीच बोल्ड फोटो आणि व्हिडीओ सोशल मीडियावर शेअर करताना पूनम पांडे ही दिसते. पूनम पांडे हिच्यावर अनेकदा तिच्या कपड्यांमुळेही टीका ही केली जाते. पूनम पांडे मोठ्या वादात कायमच अडताना देखील दिसते.