‘मुलगा वारसदार होऊ शकत…’, अमिताभ बच्चन कोणाला म्हणाले हाच माझा खरा वारसदार?

मुंबई | 19 डिसेंबर 2023 : अभिनेता अभिषेक बच्चन आणि अभिनेत्री ऐश्वर्या राय यांच्या नात्याच्या अनेक चर्चा गेल्या अनेक दिवसांपासून सुरु आहे. अभिषेक – ऐश्वर्या यांच्या घटस्फोटाच्या चर्चांनी जोर धरला आहे. सासूबाई जया बच्चन यांच्यासोबत मतभेद असल्यामुळे आणि अभिषेक बच्चन मुलगा, पतीच्या असलेल्या जबाबदाऱ्या निभावण्यात अपयशी ठरल्यामुळे ऐश्वर्या हिने सासर सोडलं असल्याच्या देखील तुफान चर्चा रंगल्या आहे. अभिषेक – ऐश्वर्या यांच्या घटस्फोटाच्या चर्चा रंगत असताना, महानायक अमिताभ बच्चन यांनी जुहू येथील प्रतीक्षा बंगला लेक श्वेता बच्चन हिच्या नावावर केला आहे. दरम्यान अमिताभ बच्चन यांनी केलेला एक ट्विट सध्या सर्वत्र तुफान व्हायरल होत आहे. ट्विटमध्ये अमिताभ बच्चन यांनी त्यांच्या वारसदाराची घोषणा केली आहे.

सांगायचं झालं तर, 2022 मध्ये अमिताभ बच्चन यांनी एक ट्विट केलं होतं. तेव्हा बिग बी यांच्या त्यांच्या वारसदाराची घोषणा केली. अमिताभ बच्चन ट्विटमध्ये म्हणाले होते, मुलगा असल्यामुळे वारसदार होत नाही, वारसदार होण्याची तेवढी पात्रता लागते. अमिताभ बच्चन यांनी वडील हरिवंश राय बच्चन यांच्या काही ओळी ट्विट केल्या होत्या. ‘मेरे बेटे, बेटे होने से मेरे उत्तराधिकारी नही होंगे : जो मेरे उत्तराधिकारी होंगे, वो मेरे बेटे होंगे’

“मेरे बेटे, बेटे होने से मेरे उत्तराधिकारी नहीं होंगे : जो मेरे उत्तराधिकारी होंगे, वो मेरे बेटे होंगे ” ~ हरिवंश राय बच्चन you are Abhishek .. the truest uttaradhikaari .. my pride, my ultimate joy .. ❤️ https://t.co/Wq4sGtFbEk

— Amitabh Bachchan (@SrBachchan) July 8, 2022

पुढे अमिताभ बच्चन म्हणाले, ‘माझा वारसदार अभिषेक तूच आहेस… माझा गौरव… माझा आनंद…’, अमिताभ बच्चन यांची ही सोशल मीडिया पोस्ट जुनी असली तरी सोशल मीडियावर व्हायरल होत आहे. चाहत्यांनी देखील बिग बी यांच्या पोस्टवर लाईक्स आणि कमेंटचा वर्षाव केला आहे.

अमिताभ बच्चन कायम सोशल मीडियाच्या माध्यमातून चाहत्यांच्या संपर्कात राहण्याचा प्रयत्न करत असतात. अमिताभ बच्चन यांच्या चाहत्यांची संख्या देखील फार मोठी आहे. फक्त भारतात नाही तर, परदेशात देखील अमिताभ बच्चन यांच्या चाहत्यांची संख्या फार मोठी आहे. बिग बी यांची एक झलक पाहण्यासाठी देखील चाहते प्रचंड उत्सुक असतात.

गेल्या अनेक वर्षांपासून अमिताभ बच्चन बॉलिवूडमध्ये सक्रिय आहेत. पण आज देखील चाहत्यांच्या मनात बिब बींसाठी असलेलं प्रेम कमी झालेलं नाही. आजही चाहते अमिताभ बच्चन यांच्या सिनेमांच्या प्रतीक्षेत असतात. बिग बी दोखील कधीही चाहत्यांना नाराज करत नाहीत. सध्या सर्वत्र फक्त आणि फक्त बच्चन कुटुंबाची चर्चा रंगली आहे.