Health Tips : तुम्हीही दुधासोबत हे पदार्थ खाता का ? हे दुष्परिणाम ऐकाल तर आजच सोडाल या पदार्थांचे सेवन

नवी दिल्ली – दुधात अनेक पोषक घटक असतात. ते आरोग्यासाठी खूप फायदेशीर (milk) मानले जाते, परंतु अनेकांना दूध प्यायला आवडत नाही. पण आपण अनेक प्रकारे खाद्यपदार्थांमध्ये दूध घालू शकता. शेक, स्मूदी (smoothie) आणि बर्‍याच डिशेसमध्ये ते घालून सेवन केले जाऊ शकते. किंवा दुग्धजन्य पदार्थांचे सेवनही करू शकतो. पण असे काही पदार्थ आहेत ज्यांचे सेवन दुधासोबत (avoid this food with milk) करू नये. ते सेवन केल्याने आरोग्याचे अपरिमित नुकसानही होऊ शकते. ते पदार्थ कोणते हे जाणून घेऊया.

1) माशांचे सेवन

दुधासोबत मासे खाऊ नयेत, याबद्दल तुम्ही ऐकलं असेल. खरंतर दूध हे थंड प्रकृतीचे असते आणि मासे उष्ण प्रकृतीचे असतात. त्यामुळे मासे आणि दूध एकत्र सेवन केल्यास पचनाच्या समस्या उद्भवू शकतात.

2) प्रोटीन युक्त पदार्थ

असे म्हटले जाते की प्रथिने आणि दूध एकत्र घेऊ नये कारण यामुळे पोटाचा त्रास होऊ शकतो आणि वजन देखील वाढू शकते. तज्ज्ञांच्या मते, ज्यांना वृद्धापकाळात स्नायूंची ताकद वाढवायची असेल त्यांच्यासाठी प्रथिने आणि दूध आवश्यक आहेत. अन्यथा इतरांनी त्यांचे एकत्र सेवन टाळावे.

3) आंबट फळं

दुधासोबत आंबट फळांचे सेवन करू नये. दुधामध्ये लिंबाचा रस घातल्यास ते फाटते. तसेच ते आरोग्यासाठीही हानिकारक आहे. तज्ज्ञांच्या मते, व्हिटॅमिन-सी असलेले पदार्थ दुधासोबत खाऊ नये, कारण पचनाशी संबंधित समस्या उद्भवू शकतात.

4) मुळ्याचे सेवन

मुळ्याचा प्रभाव उष्ण असतो, त्यामुळे मुळा खाल्ल्यानंतर दूध पिऊ नये. त्याचा पचनशक्तीवर परिणाम होतो.