वाढत्या वयात हाडं झाली कमकुवत ? अशी मजबूत ठेवा तुमची हाडं, या टिप्स बिलकूल विसरू नका
हाड मजबूत ठेवण्यासाठी व्हिटॅमिन डी खूप महत्वाचे आहे. वाढत्या वयाबरोबर शरीरात व्हिटॅमिन डीसुद्धा कमी होऊ लागते.
Bones Diseases : वाढत्या वयाबरोबर शरीराला अनेक आजार ग्रासतात. वयानुसार हाडही (Bones) कमकुवत होऊ लागतात. वृद्धापकाळात हाडं कमकुवत होऊ लागल्याने असे होते. यामुळे हाडे फ्रॅक्चर होण्याचा धोका मोठ्या प्रमाणात वाढतो. संधिवात, ऑस्टिओपोरोसिस यांसारख्या आजारांना लोक बळी पडतात, परंतु काही पद्धतींचा अवलंब करून हाडे मजबूत ठेवता येतात.
म्हातारपणात हाडे मजबूत ठेवण्यासाठी काही टिप्सचा आवर्जून अवलंब करा.
जास्त कॅल्शिअमयुक्त आहार घ्या
हाडे मजबूत ठेवण्यासाठी आहारात घेणे अत्यंत आवश्यक आहे. अशावेळी रोजच्या आहारात कॅल्शियमयुक्त अन्नाचा समावेश करा. यासाठी दही, दूध, चीज, केळी, ब्रोकोली यांचे सेवन करता येते. 50 वर्षांपेक्षा जास्त वयाच्या लोकांनी त्यांच्या आहारात दररोज 1,000 ते 1,200 मिलीग्राम कॅल्शियम घेणे आवश्यक आहे.
व्हिटॅमिन डी चे सेवन
हाडे मजबूत ठेवण्यासाठी व्हिटॅमिन डी खूप महत्वाचे आहे. वाढत्या वयाबरोबर शरीरात व्हिटॅमिन डीही कमी होऊ लागते. अशा परिस्थितीत दररोज सूर्यप्रकाश घेणे आवश्यक आहे. यासाठी आहाराचीही काळजी घ्या. अंड्यातील पिवळ बलक आणि दुग्धजन्य पदार्थ वापरून व्हिटॅमिन डीची कमतरता भरून काढता येते. तरीही शरीरात या जीवनसत्त्वाची कमतरता असल्यास डॉक्टरांचा सल्ला घ्यावा.
धूम्रपान व मद्यपान सोडा
जर तुम्ही जास्त दारू पीत असाल आणि धूम्रपान करत असाल तर ते हाडांच्या आरोग्यासाठी चांगले नाही. धूम्रपानामुळे हाडांची घनता कमी होते. अती मद्यपान केल्याने कॅल्शिअम कमी होते आणि हाडांचे फॉर्मेशन घटू लागते. अशा परिस्थितीत धूम्रपान आणि दारूचे व्यसन सोडण्यासाठी प्रयत्न करणे आवश्यक आहे.
या चाचण्या आवर्जून करा
डॉक्टर स्पष्ट करतात की हाडांची घनता चाचणी, ड्युअल एनर्जी एक्स-रे ऍब्सॉप्टोमेट्री (डीएक्सए) स्कॅन, हे हाडांची तपासणी करण्यासाठी केले जाऊ शकते. वैद्यकीय इतिहासानुसार आणि तुमच्या वयानुसार तुम्ही हाडांची घनता चाचणी करून घेऊ शकता. याशिवाय, तुम्ही दररोज व्यायाम देखील करणे महत्त्वाचे आहे.
