Bangladesh : चार दिवसांच्या आत बांग्लादेशचं बदललं नशीब, पदरात पडल्या 3 फायद्याच्या मोठ्या डील
Bangladesh : बांग्लादेशसाठी सोमवारचा दिवस खूप चांगला ठरला. त्यांना मोठा फायदा झाला. सध्या बांग्लादेश सातत्याने भारताविरुद्ध भूमिका घेत आहे. बांग्लादेशमध्ये पुढच्या दोन दिवसात सार्वत्रिक निवडणूक होणार आहे. त्याआधी त्यांच्यासाठी चांगली बातमी आहे.
बांग्लादेशने एका आठवड्यात तीन मोठ्या डील केल्या आहेत. हे तिनही करार वेगवेगळ्या पीचवर केले आहेत. एका आंतरराष्ट्रीय आघाडीवर आणि दुसरा क्रिकेटच्या मैदानात. अमेरिकेने बांग्लादेश विरुद्ध टॅरिफ कमी केलाय. राष्ट्रपती ट्रम्प यांनी हा टॅरिफ 20 वरुन 19 टक्के केलाय. शुक्रवारी जपानसोबत आर्थिक भागीदारी करारावर स्वाक्षरी केली. त्याशिवाय आंतरराष्ट्रीय क्रिकेट परिषदेकडून दिलासा मिळाला आहे. भारतात टी 20 वर्ल्ड कप खेळायला नकार देणाऱ्या बांग्लादेश विरुद्ध ICC ने कुठलही पाऊल उचलेलं नाही. उलट 2028 ते 2031 दरम्यान त्यांना एका आयसीसी इवेंटच यजमानपद मिळालं आहे.
बांग्लादेशसाठी सोमवारचा दिवस खास होता. अमेरिका आणि बांग्लादेशने एक डील केलीय. त्यानुसार अमेरिकेने बांग्लादेशी कंपन्यांच्या गारमेंटवरील टॅरिफ कमी केला. वॉशिंग्टनने टेक्सटाइल आणि कपड्यांसाठी ड्युटीमध्ये काही खास सवलत देण्याचं आश्वासन दिलं आहे.
अजून एक टक्क्याची कपात
या करारातंर्गत राष्ट्रपती ट्रम्प यांचं प्रशासन बांग्लादेशी प्रोडक्ट्सवरील रेसिप्रोकल टॅरिफ 20 टक्क्यावरुन घटवून 19 टक्के करणार आहे. ट्रम्प यांनी मागच्यावर्षी रेसिप्रोकल टॅरिफ लावला होता. त्यांनी बांग्लादेश सामानावरील टॅरिफ 37 टक्के ठरवला होती. अखेरीस ऑगस्ट महिन्यात बांग्लादेशी प्रोडक्ट्सवरील टॅरिफ घटवून 20 टक्के करण्यात आला. आता 6 महिन्यांनी त्यात अजून एक टक्क्याची कपात करण्यात आली आहे.
बांग्लादेशने अमेरिकेला किती निर्यात केली?
बांग्लादेशच्या निर्यातीमध्ये 80 टक्के हिस्सा टेक्सटाइल आणि गारमेंट प्रोडक्शनचा आहे. बांग्लादेश बँक आणि नॅशनल बोर्ड ऑफ रेवेन्यूनुसार बांग्लादेशने 2024 मध्ये अमेरिकेला जवळपास $8.4 अब्ज रुपयांचं सामान निर्यात केलं. अमेरिकेकडून त्यांनी $2.2 अब्ज सामानाची आयात केली.
आयसीसीकडून दिलासा
बांग्लादेशला क्रिकेटच्या मैदानावरही मोठा दिलासा मिळाला आहे. आयसीसीने त्यांना माफ केलय. त्यांना कुठलाही दंड ठोठावलेला नाही किंवा कुठली शिक्षा दिलेली नाही. सुरक्षा कारणांचा हवाला देत बांग्लादेशने भारतात टी 20 वर्ल्ड कप 2026 चे सामने खेळायला नकार दिला होते. त्यानंतर आयासीसीने त्यांना टुर्नामेंटमधून बाहेर काढून स्कॉटलंडला तिथे स्थान दिलं. त्यानंतरच बांग्लादेशला हा निर्णय भारी पडणार असं बोललं जात होतं. आयसीसी त्यांच्याविरोधात मोठी कारवाई करु शकली असती. पण बांग्लादेश क्रिकेट बोर्डाला आयसीसीकडून दिलासा मिळालाय.
