हुकूमशाहा किम जोंग उन झाला जोसेफ, पासपोर्टचा फोटो समोर आल्याने खळबळ; नेमकं प्रकरण काय?

Kim Jong Un : उत्तर कोरियाचा हुकूमशाहा किम जोंग उन कधी काय करेल, हे सांगता येत नाही. त्याचे शस्त्रांवरील प्रेम काही लपून राहिलेले नाही. एकीकडे इराण-इस्रायल युद्ध सुरू असताना दुसरीकडे किम जोंग उन हा अनेक मोठ्या आणि संहारक शस्त्रांच्या चाचण्या करत आहे. दरम्यान, किम जोंग उनबाबत सध्या एक अजब दावा केला जात आहे. किम जोंग उनने आपले नाव जोसेफ असे करून ब्राझिल या देसाचा खोटा पासपोर्ट तयार केला होता, असे म्हटले जात आहे. सोशल मीडियावर तर या बनावट पासपोर्टचा फोटोदेखील व्हायरल झाला आहे.

किम जोंग उन गेला होता जपानमध्ये

व्हायरल पोस्टमधील दाव्यानुसार मे 1991 साली किम जोंग उन 8 वर्षांचा होता. तेव्हा किम जोंग तसेच त्याचा मोठा भाू किम जोंग चुल या दोघांनी ब्राझिलचे खोटे पासपोर्ट तयार केले होते. याच बनावट पासोपर्टच्या मदतीने दोघांनाही जपान या देशात प्रवेश केला होता. ते दोघेही जपान फिरून आले होते. त्याच्यासोबत तेव्हा उत्तर कोरियाचे 10 अधिकारीदेखील होते. विशेष म्हणजे हे सर्वजण एका आठवड्यापेक्षा जास्त कालावधीसाठी जपानमध्ये होते. याच काळात लहानपणी किम जोंग ऊन तसेच त्याच्या मोठ्या भावाने अनेकदा डिज्निलँडचा दौरा केला होता.

सावत्र भावाला झाली होती अटक

व्हायरल पोस्टमधील दाव्यानुसार हा बनावट पासपोर्ट तयार करताना किम जोंग उनने आपले नाव जोसेफ असल्याचे सांगितले होते. 2001 साली किम जोंग उनचा सावत्र भाऊ किम जोंग नाम यानेही बनावट पासपोर्टच्या मदतीने जपानमध्ये जाण्याचा प्रयत्न केला होता. परंतु त्याला विमानतळावरच पकडण्यात आले होते.

View this post on Instagram

A post shared by im just culture (@imjustculture)

दरम्यान, सोशल मीडियावर केला जाणारा हा दावा किती सत्य आहे, असे विचारले जात आहे. बीबीसीच्या 2018 सालच्या एका रिपोर्टनुसार किम जोंग उन आणि त्याचे वडील किम जंग इल यांनी 1990 च्या दशकात ब्राझिलचे बनावट पासपोर्ट तयार केले होते. या पासपोर्टमध्ये किम जोंग उनचे नाव ‘Josef Pwag’ असे होते.