मोठी बातमी! इराणचे सैन्य अमेरिकेच्या नियंत्रणाखाली, अमेरिकेचा युद्धात विजय? डोनाल्ड ट्रम्प यांचा थेट दावा..

इराण आणि अमेरिका युद्ध सुरू आहे. या युद्धाला एक महिना पूर्ण होऊन गेला. यादरम्यानच आता अमेरिकेचे अध्यक्ष डोनाल्ड ट्रम्प यांनी अमेरिकेच्या जनतेला संबोधित करत एक पत्रकार परिषद घेतली. यावेळी त्यांनी अनेक दावे केले. डोनाल्ड ट्रम्प यादरम्यान नक्की काय बोलतात याकडे जगाच्या नजरा होत्या. युद्ध संपल्याची डोनाल्ड ट्रम्प घोषणा करू शकतात, असा सर्वांचा अंदाज होता. मात्र, त्यांनी वेगळीच दावे केली. डोनाल्ड ट्रम्प यांनी म्हटले की, इराणचे सर्व महत्वाचे नेते मारले गेले आहे. त्यांचे लष्करी अधिकारी देखील मारले गेले. इराणचे सैन्य सध्याच्या स्थितीला अमेरिकेच्या नियंत्रणाखाली आहे. डोनाल्ड ट्रम्प यांनी केलेल्या या दाव्यानंतर मोठी खळबळ उडाली. खरोखरच इराणचे सैन्य अमेरिकेच्या नियंत्रणात आहे का? असा सवाल देखील उपस्थित केला जात आहे.

मात्र, पुढील बोलताना डोनाल्ड ट्रम्प यांनी म्हटले की, आम्ही पुढच्या दोन ते तीन आठवड्यांमध्ये मोठा हल्ला इराणवर करू. युद्ध संपण्याच्या अगदी जवळ आहे. या युद्धात आम्ही विजय मिळवू. जगाने यापूर्वी असे युद्ध कधीच बघितले नव्हते. मुळात म्हणजे आम्हाला जे काही हवे होते ते या युद्धात अगोदरच मिळाले आहे. आम्हाला कोणत्याही स्थितीमध्ये इराणला अणुबॉम्ब तयार करण्यापासून रोखायचे होते आणि आम्ही ते केले.

यावेळी बोलताना डोनाल्ड ट्रम्प यांनी स्पष्ट शब्दात सांगितले की, आखाती देशांना वाऱ्यावर सोडून ते जाणार नाहीत. इराण आणि अमेरिका युद्धात आखाती देशांचे मोठे नुकसान झाले. इराणकडून थेटपणे हल्ले केली गेली. या पत्रकार परिषदेदरम्यान डोनाल्ड ट्रम्प यांनी अनेक धक्कादायक दावे केले. आता या दाव्यांना इराण नक्की काय उत्तर देतो हे पाहण्यासारखे ठरणार आहे.

डोनाल्ड ट्रम्प यांनी विजयाच्या आपण अत्यंत जवळ असल्याचे म्हटले. पण दुसरीकडे इराण युद्धातून माघार घेण्यास तयार नाही. इराणकडून काही अटी ठेवण्यात आल्या. मोठा हल्ला करण्याच्या तयारीत अमेरिका आहे. पुढील काही दिवसात मोठे हल्ले करणार असल्याचेही डोनाल्ड ट्रम्प यांनी म्हटले. जग डोनाल्ड ट्रम्प युद्धबंदीची घोषणा करेल म्हणून त्यांच्याकडे आशेने बघत असताना त्यांनी काही वेगळीच दावे केली.