लोक मला राजा म्हणतात… इराण युद्धात डोनाल्ड ट्रम्प यांनी नाटोसह जगाचे कान टोचले, थेट..

अमेरिकेचे राष्ट्राध्यक्ष डोनाल्ड ट्रम्प अॅक्शन मोडमध्ये दिसत आहेत. इराण युद्धात एकही देश मदतीला येत नसल्याचे दिसल्यानंतर डोनाल्ड ट्रम्प अधिक आक्रमक झाले आहेत. सध्याच्या परिस्थितीला अमेरिकेपासून चार हात दूर राहण्यातच फायदा असल्याचे अनेक देशांच्या लक्षात आहे. इराणसोबतच्या युद्धात डोनाल्ड ट्रम्प कोणत्याही देशाला मदत मागताना दिसत आहेत. मात्र, एकही देश अमेरिकेच्या मदतीला पुढे येत नाही. नाटो देशांनीही डोनाल्ड ट्रम्प यांचे समर्थन करणे सोडले. नाटो देशांना वेळेला मदत केली पण आपल्या मदतीला कोणीच धावून येत नसल्याचेही डोनाल्ड ट्रम्प यांनी बोलून दाखवले. अमेरिकेचे लष्कर जगातील सर्वात शक्तीशाली लष्कर आहे, अशी आठवण डोनाल्ड ट्रम्प यांच्याकडून पुन्हा पुन्हा करून दिली जात आहे. व्हाइट हाऊसमध्ये आयोजित एका विशेष इस्टर स्नेहभोजनादरम्यान अमेरिकेचे राष्ट्राध्यक्ष डोनाल्ड ट्रम्प यांनी एक असे भाषण दिले.

डोनाल्ड ट्रम्प यांचे हे भाषण जगातील मोठा मुद्दा बनले आहे. या भाषणात त्यांनी काही मोठे दावे केले. विशेष म्हणजे या कार्यक्रमात पत्रकारांना आतमध्ये प्रवेश नव्हता. यावेळी ट्रम्प यांनी 40 मिनिटे आपल्या शैलीत भाषण केले. डोनाल्ड ट्रम्प  यांनी म्हटले की, पाम संडेच्या दिवशी, येशू राजा म्हणून जेरुसलेमला आले… लोक मलाही राजा म्हणतात, यावर तुमचे काय म्हणणे आहे?

डोनाल्ड ट्रम्प यांनी विरोधकांच्या नो किंग्स आंदोलनावर टोला लगावला. यासोबतच नाटो देशांकडेही आपला मोर्चा वळवत त्यांनी टीका केली. पुढे त्यांनी म्हटले की, मी काही तेवढा मोठा राजा नाही, मला तर एक बॉलरूम बांधायची परवानगीसुद्धा मिळत नाही. डोनाल्ड ट्रम्प यांनी पुढे म्हटले की, जे माझ्यासोबत चांगला राहतो, त्याच्यासाठी मी शेवटपर्यंत लढतो. मग तो कसाही असो.

पुढे डोनाल्ड ट्रम्प यांनी म्हटले की, एक महान देश होण्याकरिता धर्माची गरज असते. देवाची गरज असते. इराणसोबतच्या युद्धात डोनाल्ड ट्रम्प यांना अमेरिकेतून विरोध होताना दिसला. अमेरिकी लोकांना डोनाल्ड ट्रम्प यांचा युद्धाचा निर्णय फार काही आवडला नाही. लोक रस्त्यावर येऊन विरोध करतानाही दिसले.