डोनाल्ड ट्रम्प यांचा थेट भारताला मोठा दणका, तब्बल 126 टक्के टॅरिफ…

अमेरिकेचे राष्ट्राध्यक्ष डोनाल्ड ट्रम्प मागील काही दिवसांपासून सतत टॅरिफ आकारताना दिसत आहेत. डोनाल्ड ट्रम्प यांच्या टॅरिफला बेकायदेशीर असल्याचे अमेरिकेच्या कोर्टाने म्हटले. मात्र, त्यानंतर डोनाल्ड ट्रम्प माघार घेत नाहीत. कोर्टाचा निर्णय डोनाल्ड ट्रम्प यांच्या विरोधात गेल्यानंतरही त्यांनी जगातील सर्वच देशांवर 15 टक्के टॅरिफ आकारण्याचा धक्कादायक निर्णय घेतला. कोर्टाने डोनाल्ड ट्रम्प यांना फटकारले. मात्र, त्याचा राग त्यांनी इतर देशांवर काढला. भारतावर काही दिवसांपूर्वीच मोठा टॅरिफ अमेरिकेने लावला होता. व्यापार करारदरम्यान डोनाल्ड ट्रम्प यांनी भारतावरील टॅरिफ कमी केला. पण भारतावर आता अतिरिक्त 15 टक्के टॅरिफ लागणार की नाही? याबद्दल भूमिका स्पष्ट केली नाही. भारतावर टांगती तलवार कायम आहे. यादरम्यानच आता डोनाल्ड ट्रम्प यांनी धक्कादायक निर्णय घेतला. ज्याने व्यापार करारादरम्यानच भारताला मोठा धक्का बसला. भारताला ज्याची भीतीच होती तेच घडल्याचे दिसत आहे.

डोनाल्ड ट्रम्प यांनी भारतातून आयात होणाऱ्या सोलर पॅनेलवर 126 टक्के टॅरिफ लावण्याची धक्कादायक घोषणा केली. अमेरिकेच्या वाणिज्य विभागाचे म्हणणे आहे की, भारत सरकारकडून उत्पादकांना चुकीच्या पद्धतीने आर्थिक मदत केली जात आहेत. ज्यामुळे अमेरिकी कंपन्यांचे नुकसान होत आहे. हा भारतीय सोलर कंपन्यांसाठी अत्यंत मोठा झटका असल्याचे बोलले जात आहे.

ब्लूमबर्दच्या रिपोर्टनुसार, डोनाल्ड ट्रम्प यांना घेतलेल्या या निर्णयामुळे भारतीय सोलर कंपन्यांना अमेरिकेच्या बाजारात पोहोचणे आता कठीण झालंय. 2024 मध्ये भारताने अमेरिकेत 792.6 मिलियन डॉलर सोलर पॅनेल अमेरिकेत निर्यात केले होते. मात्र, आता थेट फटका बसणार. अमेरिकेमध्ये भारतीय सोलरची मागणी जास्त आहे, पण आता सोलर पॅनेलवर 126 टॅरिफ लावण्याची डोनाल्ड ट्रम्प यांनी घोषणा केल्याने भारतातून अमेरिकेत सोलर पॅनेल पाठवणे जवळपास अशक्यच आहे.

भारत आणि अमेरिकेत व्यापार करार झाले असून त्याची घोषणा करणे शिल्लक आहे. काही गोष्टींवर काम सुरू आहे. मात्र, त्यापूर्वीच अमेरिकेकडून भारताला अत्यंत मोठा झटका हा भारताला दिला आहे. इतक्या मोठ्या टॅरिफनंतर भारत नक्की काय प्रतिक्रिया देतो हे देखील पाहण्यासारखे ठरणार आहे.