43 दिवसानंतर इराण अमेरिका युद्धात थेट घडामोडी, धक्कादायक अहवाल पुढे, जगात खळबळ..

इराण आणि अमेरिका युद्ध पेटले आहे. कोणत्याही पद्धतीने युद्ध थांबण्याची मागणी केली जात आहे. अमेरिकेचे अध्यक्ष डोनाल्ड ट्रम्प यांच्यावर जगाचा दबाव आहे. या युद्धामुळे जगाला देशोधडीला लागण्याची वेळ आली. जागतिक बाजारात कच्च्या तेलाच्या किमती गगणाला पोहोचल्या आहेत. किमती काही कमी होण्याचे नाव घेत नाहीत. शिवाय गॅस आणि कच्च्या तेलाचा मोठा तुटवडा आहे. होर्मुज खाडीमध्ये जगातील जवळपास सर्वच देशांचे जहाज अडकून पडली आहेत. होर्मुज खाडी खुली करण्यासाठी डोनाल्ड ट्रम्प यांनी वेळ इराणला दिला. यासोबतच युद्धबंदी करार करण्याकरिता 48 तासाचा वेळ अमेरिकेने इराणला दिला आहे. मात्र, इराण अमेरिकेच्या या इशाऱ्याला किती गंभीरपणे घेतो, हे महत्वाचे आहे. कारण यापूर्वी अनेकदा अशाप्रकारची वेळ अमेरिकेकडून इराणला देण्यात आली. पण इराणने कोणत्याही प्रकारची दाद दिली नाही. सध्याच्या परिस्थितीला अनेक घडामोडी घडताना दिसत आहेत.

डोनाल्ड ट्रम्प यांनी इराणा हा अंतिम इशारा असल्याचे म्हटले आहे. इराणमधील तेल प्रकल्प, गॅस प्रकल्प आणि ऊर्जेवर हल्ला करण्याची धमकी इराणकडून देण्यात आली. अमेरिका आणि इराणमध्ये 45 दिवसांपासून वाटाघाटी सुरू आहे. ज्यावेळी युद्ध सुरू झाले, त्यावेळी डोनाल्ड ट्रम्प यांनी म्हटले होते की, युद्ध 4 आठवडे सुरू राहिल. मात्र, तिथेच त्यांचा अंदाज चुकला.

नुकताच या महत्वाच्या घडामोडीमध्ये मोठी माहिती पुढे येत आहे. Axios ने आपल्या रिपोर्टमध्ये म्हटले की, इजिप्त, तुर्की, पाकिस्तान यांच्यामार्फत चर्चा सुरू आहे. अमेरिकेचे राजदूत स्टीव्ह विटकॉफ आणि इराणचे परराष्ट्र मंत्री अब्बास अराघची यांच्यात गोपनीय चर्चा झाल्याची माहिती आहे. 48 तासात करार होण्याची शक्यता कमी असल्याचे सांगितले जात आहे.

युद्ध रोखण्यासाठी हा शेवटा प्रयत्न म्हणून बघितले जात आहे. पण इराणला 48 तासाचा वेळ कमी असल्याचे सांगितले जात आहे. डोनाल्ड ट्रम्प यांनी अगोदरच इराणला 24 तासाचा वेळ दिला होता. त्यानंतर त्यांनी 48 तास दिले. इराण आपल्या काही प्रमुख मागण्यांवर ठाम असल्याचे बघायला मिळत आहे. युद्धात झालेल्या नुकसानाची भरपाई त्यांना हवी आहे. मात्र, गेल्या 28 फेब्रुवारीनंतर पहिल्यांदाच युद्ध थांबवण्याकरिता अशाप्रकारचे मोठे प्रयत्न केले जात असल्याचे बघायला मिळतंय.