Iran-Israel War : इराणची जबरदस्त वॉर स्ट्रॅटजी, एकाचवेळी इस्रायलवर तीन देशांमधून भयंकर हल्ला

इराण-इस्रायलमध्ये भयंकर युद्ध सुरु झालय. दोन्ही देशांकडून परस्परांवर हल्ले सुरु आहेत. इराणने इस्रायलला प्रत्युत्तर देताना भयंकर हल्ला केला आहे. इराणने इस्रायलवर 70 बॅलेस्टिक्स मिसाइल्स डागली आहेत. इराणने इस्रायलने दिशेने डागलेल्या बॅलेस्टिक मिसाइल्सची ओळख पटली आहे असं इस्रायली आर्मी IDF कडून सांगण्यात आलं आहे. संपूर्ण देशात अलर्ट जारी झाला आहे. जेरुसलेम, हायफा आणि शेफेल्लाह या इस्रायली शहरांवर इराणने मिसाइल हल्ला केला आहे. जेरुसलेममध्ये सायरन वाजत आहेत. लोकांना बॉम्ब शेल्टरमध्ये जाण्यास सांगितलं आहे.

ताज्या बातमीनुसार इराणने दुसऱ्यांदा इस्रायलवर मिसाईल्स लॉन्च केली आहेत. इस्रायल आपल्या पूर्ण क्षमतेसह इराणी मिसाइल्स नष्ट करत आहे. इस्रायलवरील ड्रोन, मिसाइल हल्ल्याची पहिली लाट अजून पूर्ण झालेली नाही असं इराणी आर्मी IRGC कडून सांगण्यात आलं आहे. IRGC कडून अजूनपर्यंत नुकसानीचा कोणताही दावा करण्यात आलेला नाही.

लोकांना सुरक्षित स्थळी बॉम्ब शेल्टर जवळ जाण्यास सांगितलं

रिपोर्टनुसार उत्तर इस्रायलमध्ये स्फोटाचे अनेक आवाज ऐकू आले आहेत. इस्रायलने आपली एअर डिफेन्स सिस्टिम Active केली आहे. इस्रायलने संपूर्ण देशात इमर्जन्सी आणि स्पेशल स्टेट ऑफ इमर्जन्सी घोषित केली आहे. संपूर्ण इस्रायलमध्ये सायरन वाजत आहेत. लोकांना सुरक्षित स्थळी बॉम्ब शेल्टर जवळ जाण्यास सांगितलं आहे.

IDF ने काय म्हटलय?

उत्तर इस्रायलमध्ये इराणच्या बॅलेस्टिक मिसाइल हल्ल्यानंतर कोणीही जखमी झाल्याचं वृत्त नाहीय. कमीत कमी दोन मिसाइल्स डागण्यात आली. यात एक मिसाइल मोकळ्या जागेत जाऊन पडली. इराणकडून अजून एका बॅलेस्टिक मिसाइल्सचा येणारा ताफा डिटेक्ट केलाय असं IDF कडून सांगण्यात आलं.

🇮🇱 🤝 🇺🇸 OPERATION ROARING LION: The IDF and the U.S Armed Forces have launched a broad & joint operation to thoroughly degrade the Iranian terrorist regime and to remove existential threats to Israel over time.

The Iranian regime has not abandoned its plan to destroy Israel.…

— Israel Defense Forces (@IDF) February 28, 2026

एकाचवेळी तीन देशांमधून इस्रायलवर हल्ला

इस्रायलवर इराणमधून हल्ला होईल हे तर स्पष्ट होतच. पण इराणने लेबनॉन, येमेनमध्ये जे प्रॉक्सी उभे केलेत, म्हणजे दहशतवादी गट उभे केलेत. त्यांनी सुद्धा इस्रायलवर हल्ला केलाय. लेबनॉनमधून हिजबोल्ला, येमेनमधून हुतींनी हल्ला केलाय. म्हणजे एकाचवेळी इस्रायल तीन बाजूंनी होणाऱ्या हल्ल्यांना संभाळायचं आहे. याआधीच्या अनेक युद्धात इस्रायलला एकाचवेळी अनेक आघाड्यांवर लढण्याचा अनुभव आहे.