इराणचा आता पाकिस्तानच्या मित्रावर हल्ला, ड्रोन डागल्याने एअरपोर्टला लागली आग…

इस्राईल आणि अमेरिकेने २८ फेब्रुवारीपासून इराणवर हल्ला सुरु केला आहे. या युद्धाला आज सहा दिवस झाले आहेत. आता इराणने पाकिस्तानच्या मित्रावर ड्रोनने हल्ला केला आहे. त्यामुळे आता युद्धाचा नवा मोर्चा उघडला गेला आहे. आतापर्यंत इराणने कतार, युएई, दुबई, सौदी अरब अशा मुस्लीम राष्ट्रातील अमेरिकन तळांना टार्गेट केले होते. आता नवी आघाडी उघडली आहे.

इराणने आज पाचव्या दिवशी युद्धाची व्याप्ती वाढवली आहे. इराणने आता अझरबैझानवर ड्रोन डागले आहेत. बातम्यांनुसार अझरबैझानमधील नखचिवन एअरपोर्टवर इराणने ड्रोनने हल्लाबोल केला आहे. अझरन्यूजच्या वृत्तानुसार अझरबैझानने इराणच्या हद्दीतून झालेल्या या ड्रोन हल्ल्याचा निषेध करण्यात आला आहे. या हल्ल्यात नखचिवन ऑटोनॉमस रिपब्लिकला टार्गेट केले आहे. ज्यात इन्फ्रास्ट्क्चरचे नुकसान झाले आणि सर्वसामान्य लोक जखमी झाले आहेत. अझरबैजान हा पाकिस्तानचे मित्र राष्ट्र असून भारताविरोधात सतत वक्तव्य करत असते.

मिळालेल्या माहितीनुसार ही घटना गुरुवारी  ५ मार्च २०२६ रोजी दुपारी घडली आहे. अझरबैजानच्या अधिकाऱ्यांनी सांगितले की इराणच्या नखचिवनच्या दिशेने दोन ड्रोन लाँच केले होते. बातमीनुसार एक ड्रोन नखचिवन आंतरराष्ट्रीय एअरपोर्टच्या टर्मिनल बिल्डींगवर कोसळले, ज्यामुळे फॅसिलिटीचा एक भाग डॅमेज झाला आहे. येथे आग लागली आहे. दुसरा ड्रोन शेखराबाद गावातील एक शालेय इमारतीच्या जवळ क्रॅश झाले आहे. अझरबैजानच्या अधिकाऱ्यांनी सांगितले की हल्ल्यात दोन सर्वसामान्य नागरिक जखमी झाले आहे. आणि एअर पोर्टच्या इमारतीला नुकसान पोहचले आहे. इराणच्या या पावलाने युद्धाची व्याप्ती वाढली आहे.

आम्हाला उत्तर देण्याचा अधिकार- अझरबैजान

अझरबैजानने हल्ल्याचा निषेध केला आहे. आणि म्हटले की या प्रकारच्या कृती या आंतरराष्ट्रीय कायद्याचे उल्लंघन आहेत. अझरबैजान यांनी हे स्पष्ट केले की याने तणावात वाढ होण्याची शक्यता आहे. या संदर्भात औपचारिक निषेध नोंदवण्यासाठी इराणच्या राजदूतांना पाचारण करण्यात आले आहे.तेहरानने या प्रकरणात स्पष्टीकरण द्यावे आणि भविष्यात अशी चुक होऊ नये अशीही तंबी देण्यात आली आहे.

या घटनेनंतर अझरबैजानमधील इराणचे एम्बेसेडर असलेल्या मोजतबा डरमिचिलू यांना परराष्ट्र मंत्रालयाने पाचारण केले आहे. अझरबैजानच्या अधिकाऱ्यांनी इराणकडे निषेध नोंदवला आहे. ऑनलाईन शेअर केलेल्या व्हिडीओत एअरपोर्टच्या आजूबाजूला फ्लॅश आणि धमाके झालेले दिसत आहेत. युजर्सने आरोप केला आहे की इराण, युनायटेड स्टेट्स आणि इस्राईल दरम्यान चालू असलेल्या संघर्षांत या जागेला टार्गेट करण्यात आले आहे.

ही घटना अशा वेळी घडली आहे, जेव्हा इराणच्या विरोधात अलिकडच्या मिलिट्री ऑपरेशननंतर या भागात तणाव वाढलेला आहे. ज्यामुळे प्रत्युत्तरादाखल मिसाईल लाँच झाले आणि मोठ्या भागात संघर्षाची भिती निर्माण झाली आहे. नखचिवन, इराण, तुक्रीये आणि आर्मेनियाच्या सीमेला लागून असेलल्या अझरबैजानचा भाग. जो साऊथ कॉकेशसमध्ये स्ट्रेटेजिक रुपाने संवेदनशील जागी आहे. या भागात कोणताही कन्फर्म हल्ला या भागाच्या सुरक्षेवर परिणाम करुन तणावात भर टाकणार आहे.

भारताचा विरोधक आहे अझरबैजान

अझरबैजान आंतरराष्ट्रीय आघाडीवर पाकिस्तानची तळी उचलत असतो. अझरबैजान, तुर्की आणि पाकिस्तान हे त्रिकोणी आघाडी आहे. काहीच दिवसांपूर्वी अझरबैजानच्या राष्ट्राध्यक्षाने पाकिस्तानचा दौरा केला होता. कश्मीर प्रश्नी अझरबैजान भारताच्या विरोधात नेहमीच वक्तव्य करत असतो.