Israel-Iran War: इराणच नाही तर संपूर्ण पश्चिम आशियात मृत्यूंचा कहर, कोणत्या देशात किती झाले मृत्यू ?
इराणविरोधात अमेरिका आणि इस्राईल यांनी केलेल्या संयुक्त कारवाईला उत्तर देताना इराण देखील आखातात मोठे नुकसान केले आहे.या हल्ल्यातच इराणमध्ये सर्वाधिक २०१ लोकांचा मृत्यू झाला आहे. तर इतर देशातही मोठी हानी झाली आहे.
इराणवर अमेरिका आणि इस्राईलने संयुक्त कारवाई करीत इराणचे सर्वोच्च नेते आयातुल्ला अली खामेणी यांची हत्या केली आहे. या हल्ल्याला इराणने देखील प्रत्युत्तर देण्याचा प्रयत्न केला आहे. इराणच्या क्षेपणास्र आणि ड्रोन हल्ल्याने इस्राईल आणि आखाती देशात मोठे नुकसान झाले आहे. इस्राईलच्या बेत शेमेशमध्ये ९ लोकांचा मृ्त्यू झाला आहे आणि एक प्रार्थना स्थळ नष्ट झाले आहे. युएई आणि कुवेत या देशांवर इराणने केलेल्या हल्ल्यातही अनेकांचा मृ्त्यू झाला आहे. शनिवारपासून सुरु असलेल्या या संघर्षात इराणमध्ये आता पर्यंत २०१ हून अधिक लोकांचे प्राण गेले आहेत.
इस्राईलच्या एअर स्ट्राईकला उत्तर देशाना इराणने पुन्हा एकदा क्षेपणास्रे डागली आहेत. या हल्ल्यामुळे इस्राईल आणि इराण सोबत आखाती देशातही मनुष्य आणि वित्तहानी झाली आहेत.इस्राईलच्या बेत शेमेश शहरात इराणी बॅलेस्टीक क्षेपणास्रे हल्ल्यात मरणाऱ्यांची संख्या आता ९ झाली आहे. बचाव पथकाने ढीगाऱ्यातून आणखी एकाचा मृतदेह बाहेर काढला आहे.
इराणची ही क्षेपणास्र शहराच्या निवासी भागात कोसळले होते. यामुळे एक सिनेगॉग ( ज्यूंचे प्रार्थना स्थळ ) संपूर्णपणे नष्ट झाले आहे. या हल्ल्यात एक पब्लिक बॉम्ब शेल्टर आणि आसपासच्या घरांचेही मोठे नुकसान झाले आहे. बेत शेमेशचे महापौर शमूएल ग्रीनबर्ग यांनी सांगितले की अजूनही २० लोकांशी संपर्क झालेला नाही, प्रशासनाने त्यांना शोधण्याची मोहिम सुरु केली आहे.
इराणचा हल्ला असा परतवून लावला
इराणच्या या कारवाईचा परिणाम संयुक्त अरब अमिरात ( यूएई ) वर देखील पडला आहे. येथील हल्ल्यात तीन लोकांचा मृत्यू झाला आहे. मृतांमध्ये पाकिस्तान, नेपाळ आणि बांगलादेशातील नागरिकांचा समावेश आहे. युएईच्या संरक्षण मंत्रालयाने माहिती दिले की त्यांनी १६५ बॅलेस्टीक मिसाईलचा थांगपत्ता लावला, त्यातील १५२ मिसाईल नष्ट केले. याशिवाय दोन क्रुझ मिसाईलनाही मध्येच रोखले. मंत्रालयाने एकूण ५४१ इराणी ड्रोनचा छडा लावण्यात यश मिळवले आहे. त्यातील ५०६ ड्रोनना नष्ट केले आहे.
शेजारील कुवैत देशात देखील या युद्धाचा परिणाम पाहायला मिळाला आहे. कुवैतच्या आरोग्य मंत्रालयाने सांगितले की क्षेत्रातील या ताज्या घटनाक्रमाने एका व्यक्तीचा मृत्यू झाला आहे. आणि अनेक लोक जखमी झाले आहेत. सर्व जखमींवर अल-अदान हॉस्पिटलमध्ये उपचार सुरु आहेत. इराणने हे हल्ले अमेरिका आणि इस्राईलच्या कारवाईला उत्तर म्हणून केले असून यामुळे संपूर्ण क्षेत्रात युद्धासारखी परिस्थिती निर्माण झाली आहे.
शनिवारी सकाळी सुरु झालेल्या अमेरिका-इस्राईल आणि इराण संघर्षा दरम्याने आतापर्यंत कोणत्या देशात किती लोक जखमी झाले याची माहिती घेऊयात….
इराण: 201 लोकांचा मृ्त्यू झाला आणि 747 लोक जखमी झाले आहेत.
संयुक्त अरब अमीरात: 3 लोकांचा मृ्त्यू झाला आणि 58 लोक जखमी झाले आहे.
इराक: 2 लोकांचा मृत्यू आणि 5 लोक जखमी झाले आहेत.
कुवैत: 1 व्यक्तीचा मृत्यू आणि 32 लोक जखमी झाले आहेत.
कतार: 16 लोक जखमी झाले आहेत.
ओमान: 5 लोक जखमी झाले आहेत.
बहारीन: 4 लोक जखमी झाले आहेत.
