इराण आणि अमेरिका युद्धविराम करारात इस्त्रायलचा मिठाचा खडा, जगावर मोठं संकट..

इराण आणि अमेरिका यांच्यातील युद्ध थांबवण्याच्या दिशेने पाऊल उचलली जात आहेत. वॉशिग्टन आणि तेहरान यांच्यात खिचडी शिजणे सुरू असतानाच इस्त्रायलनेही कान टवकारली आहेत. हेच नाही तर यादरम्यान इस्त्रायलकडून थेट चिंताही व्यक्त करण्यात आली. अणुकराराच्या मुद्द्यात अमेरिका आणि इराण यांच्यात वाढलेली जवळीकता इस्त्रायलकरिता एक चिंतेचा विषय बनली आहे. हेच नाही तर करारात काय गोष्टी नक्की ठरल्या आणि युद्धविरामाची घोषणा कधी होणार, याबाबत काही माहिती स्पष्ट नसतानाच इस्त्रायलने या नव्या करारास विरोध करण्यास सुरूवात केली. हा करार अजिबातच हिताचा नसल्याचे इस्त्रायलचे म्हणणे आहे. मात्र, दुसरीकडे आखाती देशांनी या नव्या कराराला थेटपणे अमेरिकेला पाठिंबा दिला. आता कुठे ना कुठे इस्त्रायल एकटे पडल्याचे बघायला मिळत आहे. ज्या गोष्टीची इस्त्रायलला भीती होती, तीच गोष्टी आता घडताना दिसत आहे.

इस्त्रायलच्या एका वरिष्ठ सुरक्षा अधिकाऱ्याने या प्रकरणात मोठा इशारा दिला. इस्त्रायली प्रसारक चॅनल 12 च्या वृत्तानुसार, इस्त्रायली अधिकाऱ्याचे म्हणणे आहे की, अमेरिका आणि इराण यांच्यातील हा करार इ्त्रायलच्या सुरक्षेसाठी एक अत्यंत मोठा धोका निर्माण करू शकते. इराण आणि अमेरिका युद्धविरामाच्या अत्यंत जवळ पोहोचलेले असताना इस्त्रायल यात पाय घालताना दिसत आहे.

इस्त्रायलच्या सुरक्षा तज्ज्ञांचे म्हणणे आहे की, इस्त्रायल आणि अमेरिकेला भविष्यात इराणविरोधात पुन्हा मोर्चा उघडणे कठीण होऊ शकते. त्यांच्या विरोधात युद्ध लढताही येणार नाही. इस्रायल या कराराला निर्बंधांच्या दबावातून स्वतःला मुक्त करण्यासाठी इराणने रचलेला एक डाव मानतो. मात्र, या कराराकरिता अमेरिका राजी असल्याचीही माहिती मिळतंय.

आता या कराराला इस्त्रायलकडून जोरदार विरोध होत असताना पुन्हा एकदा जगाचे टेन्शन वाढल्याचे बघायला मिळत आहे. इराण आणि अमेरिका यांच्यातील युद्ध थांबले पाहिजे, आता कुठेतरी युद्ध थांबण्याचे संकेत मिळत असतानाच इस्त्रायलच्या भूमिकेने हाहाकार उडाला. मात्र, इस्त्रायलचे म्हणणे अमेरिका ऐकणार की इराणसोबत युद्धविराम करार करणार हे काही वेळातच स्पष्ट होईल.