Russian Indian Student: रशियामध्ये चार भारतीय विद्यार्थ्यांवर हल्ला, कॉलेजच्या हॉस्टेलमध्ये घुसून… धक्कादायक प्रकरण समोर

रशियाच्या बश्कोर्तोस्तान गणराज्यातील उफा शहरात एका मेडिकल युनिव्हर्सिटीमध्ये चाकूने हल्ला झाल्याची घटना समोर आली आहे. या हल्ल्यात चार भारतीय विद्यार्थी सहित अनेक जण जखमी झाले आहेत. भारतीय दूतावासाने शनिवार (७ फेब्रुवारी २०२६) रात्री या घटनेची पुष्टी केली आहे आणि सांगितले आहे की सर्व जखमी विद्यार्थ्यांवर उपचार सुरु आहेत. या हल्ल्यामुळे अनेकांना धक्का बसला आहे. आता नेमकं काय झालं वाचा…

भारतीय दूतावासाने सोशल मीडिया प्लॅटफॉर्म एक्सवर माहिती देताना सांगितले की, उफामध्ये एक दुर्दैवी हल्ल्याची घटना घडली आहे, ज्यात चार भारतीय विद्यार्थी जखमी झाले आहेत. दूतावासाने सांगितले की, ते रशियाच्या स्थानिक प्रशासनाशी संपर्कात आहेत आणि कझान येथील भारतीय वाणिज्य दूतावासाचे अधिकारी उफाकडे रवाना झाले आहेत, जेणेकरून जखमी विद्यार्थ्यांना शक्य तितकी मदत मिळेल.

An unfortunate incident of attack has occurred in Ufa. Several persons including four Indian students have been injured. The Embassy is in touch with the authorities and the officials from the Consulate in Kazan are on their way to Ufa to provide assistance to the injured…

— India in Russia (@IndEmbMoscow) February 7, 2026

हल्ला कसा झाला?

PTIने दिलेल्या माहितीनुसार, शनिवार (७ फेब्रुवारी २०२६) एक १५ वर्षीय किशोर, उफा येथील स्टेट मेडिकल युनिव्हर्सिटीच्या परिसरात घुसला. आरोपी थेट छात्रावास (डॉर्मिटरी)मध्ये पोहोचला आणि तेथे उपस्थित विद्यार्थ्यांवर अचानक त्याने चाकूने हल्ला केला. हल्ला इतका अचानक होता की विद्यार्थ्याला काही कळालेही नाही. रशियाच्या गृह मंत्रालयानुसार, आरोपीने अनेक विद्यार्थ्यांना चाकू मारले. जेव्हा पोलिसांनी त्याला पकडण्याचा प्रयत्न केला, तेव्हा त्याने दोन पोलिसांवरही हल्ला केला. अटकेचा विरोध करताना आरोपी स्वतःही जखमी झाला. गृह मंत्रालयाच्या प्रवक्त्या मेजर जनरल इरीना वोल्क यांनी सांगितले की, आरोपीला पकडताना पोलिस जखमी झाले आहेत आणि हल्लेखोराने स्वतःलाही इजा पोहोचवली आहे.

जखमींची स्थिती कशी आहे?

रशियाच्या आरोग्य मंत्रालयानुसार, हल्ल्यात जखमी झालेल्या चार जणांना रुग्णालयात दाखल करण्यात आले आहे. यापैकी एकाची स्थिती गंभीर सांगितली जात आहे. तर, हल्लेखोर किशोरालाही बाल रुग्णालयात दाखल करण्यात आले आहे आणि त्याची स्थितीही गंभीर आहे.

तपासात समोर आली महत्त्वाची माहिती

स्थानिक मीडिया रिपोर्ट्सनुसार, आरोपी एका प्रतिबंधित नियो-नाझी संघटनेशी संबंधित होता. हल्ल्यादरम्यान तो राष्ट्रवादी घोषणा देत होता. तपास यंत्रणांनी प्रकरणाची चौकशी सुरू केली आहे आणि प्रत्येक पैलूची तपासणी केली जात आहे. या घटनेनंतर युनिव्हर्सिटी आणि आजूबाजूच्या परिसरात सुरक्षा वाढवण्यात आली आहे. भारतीय दूतावासाने सांगितले आहे की, ते परिस्थितीवर सतत लक्ष ठेवून आहेत आणि भारतीय विद्यार्थ्यांची सुरक्षा त्यांचे प्राधान्य आहे.