NASA: 53 वर्षात पहिल्यांदा मानवाने चंद्राचा हा भाग पाहिला, आर्टेमिस II मोहिमेने चंद्राचा तो फोटाे पाठवला

नासाने चंद्रावर पुन्हा मोहिम सुरु केली आहे. नासाच्या चंद्रावरील आर्टेमिस II मोहिमेने आता जगासमोर एक खास फोटो शेअर केला आहे. नासाने रविवारी ( ५ एप्रिल २०२६ ) चंद्राचा नवा फोटो शेअर केला आहे. हा फोटो या मोहिमेतील अंतराळवीरांना काढला आहे. या फोटोचे खास वैशिष्ट्ये म्हणजे या फोटो चंद्राचा असा भाग दिसत आहे. जो मानवाने कधी पूर्णपणे पाहिलेला नव्हता. या फोटोत चंद्राच्या कडेला एक मोठे क्षेत्र दिसत आहे, ज्यास ओरिएंटल बेसिन म्हटले जाते. नासाने सांगितले की पहिल्यांदा असे झाले आहे की चंद्राच्या या भागाला मानवी डोळ्यांनी पहिल्यांदा पाहिले आहे. या आधी ही जागा पूर्णपणे कधी पाहायला मिळाली नव्हती.

या मोहिमेवर चार अंतराळवीर गेले आहेत. यात तीन अमेरिकेतील आहेत आणि एक कॅनडामधील आहे. कॅनाडच्या जेरेमी हॅनसेन आणि अमेरिकेच्या व्हीक्टर ग्लोव्हर, रीड व्हाईसमॅन आणि क्रिस्टीना कोच या अंतराळ मोहिमेवर गेले आहेत. हे अंतराळवीर ओरियन नावाच्या स्पेसक्राफ्टमध्ये सवार झाले आहेत, जे सोमवारपर्यंत ( ६ एप्रिल २०२६ ) आपल्या ठरलेल्या मार्गाने पुढे जात आहे. ही मोहिम यासाठी खास आहे कारण १९७२ सालच्या अपोलो १७ मोहिमेनंतर पहिल्यांदा मानव चंद्राच्या मोहिमेवर गेला आहे. या मोहिमेमुळे चंद्राच्या मोहिमेवर जाणाऱ्या क्रिस्टीना कोच पहिल्या महिला अंतराळवीर बनणार आहेत. तर व्हीक्टर ग्लोवर पहिले अश्वेत अंतराळवीर होतील जे या मोहिमेचा भाग बनले आहेत.

आर्टेमिस II मोहिमेचा मुख्य उद्देश्य काय?

आर्टेमिस II मोहिमेचा मुख्य उद्देश्य चंद्राच्या त्या भागाची माहिती आणि फोटो घेणे आहे जो भाग पृथ्वीवरुन कधीच दिसलेला नाही. यास चंद्राची दूरवरील बाजू म्हटले जाते. ही मोहिम नासासाठी आधीच्या Apollo मोहिमानंतरचे नवे पाऊल आहे. ज्याद्वारे पुढील मानवी मोहिमांची तयारी केली जाणार आहे. हे अंतराळ याने पृथ्वीपासून सुमारे २,५२,००० मैल म्हणजे सुमारे ४ लाख किलोमीटर दूरपर्यंत जाणार आहे. हे चंद्राला वळसा घालून पुन्हा पृथ्वीवर येणार आहे, परंतू चंद्रावर उतरणार तर नाहीच, शिवाय त्याच्या कक्षेतही प्रवेश करणार नाही.

ही मोहिमे आतापर्यंत मानवाने कापलेल्या अंतरापेक्षा जास्त अंतराची ठरणार आहे. हा रेकॉर्ड सध्या अपोलो १३ मोहिमेकडे आहे. बातमीनुसार रविवारपर्यंत या यानाने अर्ध्याहून अधिक अंतर कापलेले असेल. ही मोहिम सुमारे १० दिवसाची असून १० एप्रिल रोजी प्रशांत महासागरात याने उतरल्यानंतर ही मोहीम संपणार आहे.ही मोहिम नासाच्या मोठ्या योजनेचे पहिले पाऊल आहे. मानव भविष्यात चंद्रावर अधिक काळ राहू शकतो का? याचा अभ्यास केला जात आहे. साल २०२८ पर्यंत चंद्राच्या दक्षिण गोलार्धात अंतराळवीरांना उतरवण्याचे नासाचे लक्ष्य आहे.

येथे पोस्ट पाहा –

History in the making

In this new image from our @NASAArtemis II crew, you can see Orientale basin on the right edge of the lunar disk. This mission marks the first time the entire basin has been seen with human eyes. pic.twitter.com/iqjod6gqgz

— NASA (@NASA) April 5, 2026

मोहिमेची सुरुवात चांगली, पण

या मोहिमेची सुरुवात चांगली झाली, परंतू काही वेळानंतर एक छोटी समस्या समोर आली ओरियन यानाचे टॉयलेट ठीक काम करत नव्हते. जोपर्यंत ते दुरुस्त होत नाही तोपर्यंत अंतराळवीरांना बॅकअप म्हणून वापर होणाऱ्या एका खास बॅगचा उपयोग करावा लागत होता. इंजिनियर्सच्या मते सिस्टीममध्ये बर्फ साठल्याने त्यामुळे तरल कचरा बाहेर जाऊ शकत नाही.मात्र, ठोस स्वरुपाच्या कचऱ्यासाठी टॉयलेट अजूनही काम करत आहे. सिस्टीम पूर्णपणे नीट नाही,परंतू वापरण्या योगी आहे आणि सर्व अंतराळवीर सुखरुप आहेत असे मोहिमेचे प्रमुख जॉन हनीकट यांनी म्हटले आहे.