Operation Sindoor : भारताने ज्या पाच मोठ्या दहशतवाद्यांना ढगात पाठवलं, पाकिस्तानातून आली त्यांची लिस्ट

भारताने 7 मे च्या मध्यरात्री ऑपरेशन सिंदूर सुरु केलं. अजूनही हे ऑपरेशन सुरु आहे. भारताच्या सैन्य दलांनी आपली वायू शक्ती दाखवून दिली आहे. पाकिस्तानातील 8 एअर बेस उडवल्याची माहिती आहे. भारतीय सैन्य दलाच्या पराक्रमाची सर्वत्र चर्चा सुरु आहे. मूळात हे ऑपरेशन 7 मे रोजी सुरु झालं. त्यावेळी पाकिस्तान आणि पाकव्याप्त काश्मीरमधील 9 दहशतवादी तळ एअर स्ट्राइकमध्ये उद्धवस्त केले. लश्कर, जैश आणि हिजबुल मुजाहिदीन यांचे दहशतवादाचे अड्डे उडवण्यात आले. या कारवाईत किती दहशतवादी मारले गेले, त्यांचे वेगवेगळे आकडे सांगितले जातात. पण आता या कारवाईत जे पाच मोठे दहशतवादी मारले गेले, त्यांची नाव समोर आली आहेत.