भारताचा ट्रॉफी चोर इराणमध्ये, पाकिस्तानचे शक्तीप्रदर्शन, तो धक्कादायक फोटो पुढे..

अमेरिका आणि इराण युद्धात जग होरपळले जात आहे. युद्ध थांबण्याची मागणी केली जात आहे. यादरम्यानच पाकिस्तानची युद्धात लुडबुड बघायला मिळत आहे. पाकिस्तान स्वत: एक दहशतवादी देश आहे. दहशतवादाला थारा देतो आणि दुसरीकडे इराण आणि अमेरिका युद्ध थांबवण्याकरिता प्रयत्न करत असल्याचे त्यांच्याकडून दाखवले जात आहे. जगातील दुसरा एकही देश आपल्या मदतीला पुढे येत नसल्याचे शेवटी अमेरिकेने पाकिस्तानला हाती धरले. पाकिस्तान युद्धबंदी करिता आपण मध्यस्थी करत असल्याचे दाखवत आहे. पाकिस्तानचे लष्करप्रमुख आसिम मुनीर तेहरानमध्ये दाखल झाले. यावेळी त्यांनी इराणचे परराष्ट्र मंत्री अब्बास अराघची यांच्यासह इराणच्या वरिष्ठ अधिकाऱ्यांची भेट घेतली. यावेळीचा विमानातून उतरतानाचा एक फोटोही पुढे आला. पाकिस्तानचे गृहमंत्री मोहसिन नक्वी देखील इराणला पोहोचले.

या दौऱ्यातील सर्वाधिक चर्चेचा विषय मुनीर यांची भूमिका आणि नक्वी यांची देहबोली. मुनीर आणि नक्की यांच्याकडून आम्ही काहीतरी मोठा तीर मारल्याचे दाखवले जात आहे. सुरूवातीला युद्धबंदी करारात पाकिस्तान सहभागी होत असल्याने इराणने हस्तक्षेप घेतला होता. हेच नाही तर इस्त्रायलने देखील थेट म्हटले होते की, स्वत: दहशतवादाला समर्थन करणारा देश युद्धबंदी करार घडवून आणतोय?

इस्त्रायलकडून पाकिस्तानला खडेबोल सुनावण्यात आली होती. नक्वीला भारतात ट्रॉफी चोर म्हणतात. 2025 ची भारताची आशिया कप ट्रॉफी नक्कीने चोरून पाकिस्तानात नेली. आता तोच नक्की इराण आणि अमेरिका युद्धात शांतता करार करण्याकरिता थेट इराणमध्ये पोहोचला. पाकिस्तान युद्ध थांबवण्याकरिता आम्ही खूप काही करत असल्याचे दाखवत आहे.

इराण आणि अमेरिका युद्धात भारताचीही भूमिका अगदी स्पष्ट आहे. कोणत्याही पद्धतीत युद्ध थांबले पाहिजे. पहिली बैठक पाकिस्तानच्या इस्लामाबादमध्ये झाली. मात्र, या बैठकीतून काहीच तोडगा निघू शकला नाही. इराण आपल्या काही मागण्यांवर ठाम आहे. आता दुसरीही बैठक पाकिस्तानमध्येच होणार असल्याची माहिती मिळत आहे. या बैठकीकडे सर्वांच्या नजरा लागल्या आहेत. पहिल्या बैठकीत काहीच तोडगा निघू शकला नसल्याने होर्मुज खाडीत तणाव वाढला आहे.