जगात हाहाकार! सौदी अरेबीयामध्ये मक्कावर हल्ला, इस्लामच्या पवित्र स्थळालाही सोडले नाही

येमेनमध्ये सुरू असलेल्या सौदी समर्थित सरकार आणि हूथी यांच्यातील संघर्ष जगभरातील लोकांचे लक्ष वेधून घेत आहे. आता दोन्ही देशांमधील संघर्ष इतका टोकाला पोहोचला आहे की इस्लामचे पवित्र स्थळ मक्कावर देखील हल्ला झाल्याचा दावा सौदी अरेबियाने केले आहे. हूथींच्या क्षेपणास्त्रांनी मक्का आणि मदीना यांना निशाणा साधला. या दाव्यानंतर इराण-समर्थित हूथी बंडखोर आणि सौदी अरब यांच्यातील तणाव पुन्हा एकदा वाढला आहे.

सौदी अरेबियाने म्हटले आहे की हूथीने मक्का आणि मदीना परिसराच्या दिशेने येणाऱ्या बॅलिस्टिक क्षेपणास्त्रांना मध्येच रोखले. त्यानंतर या क्षेपणास्त्रांचा मलबा सौदी अरेबियाच्या अनेक भागांत पडला. मात्र, हूथींनी मक्का आणि मदीनाला निशाणा बनवण्याच्या सौदी अरेबियाच्या दाव्याला फेटाळून लावले आहे. सौदी अरेबियाच्या नागरिक सुरक्षा विभागानुसार २४ ऑक्टोबर रोजी देशाच्या पश्चिम भागात दोन बॅलिस्टिक क्षेपणास्त्रे रोखल्यानंतर त्यांचे तुकडे अनेक ठिकाणी पडले. यात मक्काच्या बाहेरील वादी मुगामास, जेद्दाचा अल-नुज्हा परिसर, ताइफचा वादी जलील आणि राबिगचा एक दुर्गम भाग यांचा समावेश आहे.

मक्का आणि मदीनावर हल्ला?

मक्का आणि मदीना ही इस्लामची दोन सर्वात पवित्र शहरे आहेत. त्यामुळे या परिसराच्या दिशेने क्षेपणास्त्र येण्याच्या बातमीने ही बाब अत्यंत संवेदनशील बनली आहे. सौदी अधिकाऱ्यांनी यापूर्वीही पश्चिम प्रदेशातील अनेक भागांत संभाव्य धोक्याबाबत इशारा दिला होता आणि लोकांना सुरक्षित ठिकाणी जाण्याचे आवाहन केले होते. यापूर्वीही मक्का-मदीनाकडे हूथींनी क्षेपणास्त्रे डागल्याचा दावा करण्यात आला होता, तेव्हाही बंडखोरांनी याला नकार दिला होता.

हूथींनी आरोप फेटाळले

हूती बंडखोरांनी सौदी अरेबियाच्या या दाव्याला चुकीचे ठरवले आहे. त्यांनी मक्का आणि मदीनाला निशाणा बनवले नाही असा दावा केला आहे. या गटाचे म्हणणे आहे की त्यांचे लष्करी अभियान सौदी अरेबियाच्या तेल ठिकाणे आणि लष्करी तळांवर केंद्रित असतात. हूथींच्या मते, जेव्हा ते कोणताही हल्ला करतात, तेव्हा त्याची घोषणाही करतात. हूथी लष्करी प्रवक्ता याह्या सरी यांनी दावा केला की २३-२४ ऑक्टोबर रोजी गटाने सौदी अरेबियाच्या अनेक ठिकान्यांना निशाणा बनवले. यात रियाधचे किंग खालिद आंतरराष्ट्रीय विमानतळ, दम्माम आणि नजरानचे विमानतळ, खमीस मुशैतचा हवाई तळ आणि तेल पाइपलाइनशी संबंधित ठिकाणे यांचा समावेश असल्याचे सांगितले जाते.

यादरम्यान येमेनच्या सौदी समर्थित सरकारने आरोप केला की हूथींनी दक्षिणेकडील बंदर शहर अदनमधील तटरक्षक दलाच्या सुविधांवर तीन बॅलिस्टिक क्षेपणास्त्रे डागली. या वाढत्या संघर्षाने २०२२ मध्ये संयुक्त राष्ट्रांच्या मध्यस्थीने झालेल्या युद्धविरामाची स्थिती कमकुवत केली आहे आणि आता या प्रदेशात तणाव आणखी वाढण्याची शक्यता आहे.