Kamala Harris : Kamala Harris : भारतीय वंशाच्या शांती सेठी बनल्या कमला हॅरिसच्या संरक्षण सल्लागार; यूएस नेव्हीमध्ये 29 वर्षे उल्लेखनीय बजावली सेवा
वॉशिंग्टन : अमेरिकेचे राष्ट्राध्यक्ष (president of the United States) जो बिडेन (Joe Biden) यांच्या प्रशासनात भारतीयांची भूमिका वाढत आहे. यामध्ये नवीन नाव जोडलं गेलं ते म्हणजे भारतीय वंशाच्या निवृत्त अमेरिकन नौदल अधिकारी शांती सेठी याचं. शांती सेठी यांनी युद्धनौकेची पहिली महिला कमांडर होण्याचा मानही मिळवला आहे. आता त्यांच्याकडे उपराष्ट्रपती कमला हॅरिस (Kamala Harris) यांच्या कार्यालयात महत्त्वाची […]
वॉशिंग्टन : अमेरिकेचे राष्ट्राध्यक्ष (president of the United States) जो बिडेन (Joe Biden) यांच्या प्रशासनात भारतीयांची भूमिका वाढत आहे. यामध्ये नवीन नाव जोडलं गेलं ते म्हणजे भारतीय वंशाच्या निवृत्त अमेरिकन नौदल अधिकारी शांती सेठी याचं. शांती सेठी यांनी युद्धनौकेची पहिली महिला कमांडर होण्याचा मानही मिळवला आहे. आता त्यांच्याकडे उपराष्ट्रपती कमला हॅरिस (Kamala Harris) यांच्या कार्यालयात महत्त्वाची जबाबदारी देण्यात आली आहे. शांती सेठी यांची उपराष्ट्रपती कमला हॅरिस यांच्या कार्यकारी सचिव आणि संरक्षण सल्लागार म्हणून नियुक्ती करण्यात आली आहे. सेठीच्या लिंक्डइन प्रोफाइलनुसार, त्यांचे काम उपराष्ट्रपतींच्या कार्यालयात राष्ट्रीय सुरक्षा सल्लागार आणि कार्यकारी सचिव म्हणून काम करणे आहे. याची पुष्टी कमला हॅरिसच्या वरिष्ठ सल्लागार हर्बी झिसकेंड यांनी केली. तर शांती सेठी यांनी यूएस नेव्हीमध्ये 29 वर्षे उल्लेखनीय सेवा बजावली. त्यानंतर त्या कॅप्टन म्हणून निवृत्त झाल्या.
कॅप्टन पदावर बढती
सेठी यांनी डिसेंबर 2010 ते मे 2012 या कालावधीत USS Decatur या मार्गदर्शित क्षेपणास्त्र नाशकाचे नेतृत्व केले. अनेक नौदल जहाजे आणि लष्करी प्रतिष्ठानांमध्ये जबाबदारी स्वीकारल्यानंतर 2015 मध्ये त्यांची कॅप्टन पदावर बढती झाली. भारताला भेट देणार्‍या अमेरिकेच्या नौदलाच्या जहाजाच्या त्या पहिल्या महिला कमांडर होत्या. सेठी 1993 मध्ये यूएस नेव्हीमध्ये सामील झाल्या. ज्यावेळी अमेरिकेच्या सैन्य दलात कॉम्बॅट एक्सक्लूजन कायदा लागू होता. त्यावेळी गैर-अमेरिकनांना लष्करात मर्यादित जबाबदारी होती. पण ती अधिकारी असतानाच बहिष्कार कायदा वगळण्यात आला आणि पुरुषांचे वर्चस्व असलेल्या सैन्यात तिला मोठी जबाबदारी घेण्याची संधी मिळाली.
नौदल सचिवांचे वरिष्ठ लष्करी सल्लागार
शांती सेठीचे वडील 1960 च्या दशकात भारतातून अमेरिकेत स्थायिक झाले. त्याच वेळी, कमला हॅरिस या भारतीय वंशाच्या राजकारण्यांपैकी एक आहेत. ज्यां अमेरिकन राजकारणात उपराष्ट्रपती पदापर्यंत पोहोचल्या. अमेरिकेच्या उपराष्ट्रपतीपदी विराजमान झालेल्या त्या पहिल्या भारतीय वंशाच्या महिला आहेत. सेठी यांनी 2021-22 मध्ये नौदल सचिवांचे वरिष्ठ लष्करी सल्लागार म्हणूनही काम केले आहे. शांती सेठी या मूळच्या नेवाडा येथील असून त्यांनी नॉर्विच विद्यापीठातून आंतरराष्ट्रीय संबंधात पदवी प्राप्त केली आहे. जॉर्ज वॉशिंग्टन युनिव्हर्सिटीच्या इलियट स्कूल ऑफ इंटरनॅशनल अफेयर्समधून त्यांनी आंतरराष्ट्रीय धोरण आणि सराव मध्ये पदव्युत्तर पदवी देखील घेतली आहे.