अमेरिकेत मोठी खळबळ! इराणसोबतच्या युद्धादरम्यान धक्कादायक घटना, थेट गोळीबार, तब्बल इतक्या लोकांचा..

इराण आणि अमेरिका यांच्यात युद्ध सुरू आहे. या युद्धादरम्यानच एक खळबळ उडवणारी माहिती पुढे येत आहे. अमेरिकेत एकच हाहाकार उडाला. इराण आणि अमेरिका यांच्या युद्धाला आता 3 महिने होऊ गेले. मात्र, युद्ध काही कमी होत नाही. शिवाय प्रचंड तणाव आहे. या युद्धाचा परिणाम जागतिक बाजारापेठेवर पडतोय. काही दिवसांपूर्वीच डोनाल्ड ट्रम्प ज्या हॉटेलमध्ये होते, तिथे गोळीबार झाला. यादरम्यानच आता अमेरिकेतून धक्कादायक बातमी पुढे येत आहे.  अमेरिकेतील आयोवा राज्यातील मस्कटाईन शहरात अंदाधुंद गोळीबार झाला. या गोळीबाराच्या घटनेने सर्वत्र भीतीचे वातावरण बघायला मिळाले. या गोळीबारमध्ये तब्बल 7 जणांचा मृत्यू झाला. एकाच कुटुंबातील 7 जणांचा जीव या गोळीबाराच्या घटनेत गेला.

घटनेची माहिती मिळताच पोलिसांनी घटनास्थळी धाव घेतली. दुपारी सुमारे 12 वाजून 12 मिनिटांनी ही घटना घडली.  पार्क अव्हेन्यूवरील एका घरातून गोळीबार झाल्याची माहिती मिळाल्यानंतर पोलिसांची पथके घटनास्थळी दाखल झाली. घरात गोळ्या लागून मृत पावलेले चार जण पोलिसांना मिळाले. 52 वर्षीय रायन विलिस मॅकफार्लंड नावाचा संशयित घटनास्थळावरून पळून गेला.

त्यानंतर पोलिसांनी काही वेळातच त्याला शोधून काढले. पोलिसांना बघताच त्याने स्वत:वर गोळी झाडून घेतली.   पोलिसांनी त्याला वाचवण्याकरिता मोठे प्रयत्न केले, पण त्याला वाचवण्यात यश मिळाले नाही. अजून दोन मृतदेहही पोलिसांना मिळाली. या घटनेबाबत बोलताना पोलिसांनी म्हटले की, ही घटना काैटुंबिक वादातून घडली आहे. सर्वच पीडित एकाच घरातील सदस्य आहेत.

पुढे पोलिस अधिकाऱ्याने बोलताना म्हटले की, लोकांनी भीती दूर करावी. हा वाद त्यांच्या कुटुंबातील होता. त्यानंतर ही घटना घडली. समाजाला कोणत्याही प्रकारचा धोका नाही. संशयिताची ओळख त्वरित पटवण्यात आली असून घटनेनंतर शहरातील सुरक्षा व्यवस्था पूर्णपणे सामान्य आहे. मात्र, या घटनेने लोकांमध्ये भीतीचे वातावरण बघायला मिळत आहे. गोळीबाराच्या आवाजाने परिसर हादरला होता. पोलिसांनी परिसरात बंदोबस्त ठेवला आहे. नक्की कोणत्या कारणाने ही घटना घडली, याबाबत माहिती मिळू शकली नाहीये.