मेक्सिकोमधील परिस्थिती गंभीर, हवेत फक्त धूर, मोठा हिंसाचार, थेट..

मेक्सिकोमध्ये मोठी खळबळ उडालीये. मेक्सिको सुरक्षा दलांनी रविवारी जगातील सर्वात धोकादायक ड्रग्ज तस्करापैकी एकाची हत्या केली. ज्यानंतर मोठी हिंसा झाली. जलिस्को न्यू जनरेशन कार्टेल (सीजेएनजी) चा प्रमुख नेमेसियो रुबेन ओसेगुएरा यांना ठार मारले. त्याच्या हत्येनंतर मोठी खळबळ उडाली आणि मोठी हिंसा पेटली. सध्या परिस्थिती तणावात असल्याचे सांगितले जात आहे. बंदुकधारी काही लोकांनी वाहनांना मोठी आग लावली. सुरक्षारक्षकांकडून या लोकांवर कारवाई केली जात आहे आणि त्यांना अटक केली जात आहे. परिस्थिती नियंत्रणात आणण्याकरिता प्रयत्न केली जात आहेत.  सध्याची परिस्थिती लक्षात घेता सरकारकडून शाळा बंद केल्या आहेत.

यासोबतच पंतप्रधान क्लाउडिया यांनी लोकांना शांत राहण्याचे आव्हान केले. मिळालेल्या माहितीनुसार, प्यूर्टेा वल्लार्टा आणि त्याच्या आसपास हिंसा सुरू झाली. या हिंसेवर नियंत्रण मिळवण्याकरिता सुरक्षादलांनी सकाळी मोठे सैन्य ऑपरेशन राबवले. जलिस्को, कोलिमा, मचोआकन आणि गुआनाजुआटो मधील राज्यात वाहनांना आणि इमारतींना आग लावून हायवे ब्लॉक करण्यात आला.

या जाळपोळीमुळे हवेत फक्त आणि फक्त मोठा धूर बघायला मिळाला. मेक्सिकोमधील हिंसाचाराचे काही व्हिडीओ सोशल मीडियावर व्हायरल होताना दिसली. ग्वाडालाजारा एअरपोर्टवर लोक घाबरून इकडे तिकडे पळताना व्हिडीओमध्ये दिसले. सुरक्षा रक्षकांकडून नियंत्रण मिळवण्याचा प्रयत्न सुरू आहे. काही राज्यांमधील भीषण हिंसा लक्षात घेता राज्यपाल पाब्लो लेमन यांनी लोकांच्या घरामध्येच राहण्याचा सल्ला दिला.

सुरक्षा कारणांमुळे काही सेवा देखील बंद करण्याचा निर्णय घेण्यात आला. जोपर्यंत परिस्थिती ही पूर्णपणे नियंत्रणात येणार नाही, तोपर्यंत शाळा, महाविद्यालय बंद ठेवण्याचा निर्णय घेण्यात आला. नेमेसियो रुबेन हा अगोदर पोलिस विभागात कामाला होता. तो अमेरिकेत काही वर्ष वास्तव्यास होता, त्यानंतर त्याला मेक्सिकोमध्ये पाठवण्यात आले. त्याने ड्रग्ज तस्करीचे मोठे साम्राज्य निर्माण केले, अखेर त्याला मारण्यात मोठे यश मिळाले.