डोनाल्ड ट्रम्प यांनी पसरले थेट या देशाकडे हात, पाकिस्तानला दिली जोरदार लाथ, मोठी खळबळ..

इराण आणि अमेरिका युद्धात पाकिस्तान मध्यस्थीच्या भूमिकेत आहे. मात्र, पाकिस्तानच्या मध्यस्थीला यश मिळत नाही. युद्धविराम होण्याऐवजी परिस्थिती अधिक चिघळताना दिसत आहे. होर्मुज खाडीत इराण आणि अमेरिका दोन्ही देश माघार घेत नाहीत. पाकिस्तान फक्त आणि फक्त आपल्या फायद्यासाठी पुढाकार घेत आहे. दोन महिन्यांपेक्षाही अधिक काळ या युद्धाला होत आहे. मात्र, युद्ध थांबण्याचे नाव घेत नाही. अॅक्सिऑसच्या अहवालानुसार, अमेरिका आणि इराण यांच्यातील युद्ध संपवण्यासाठी अमेरिकेचे परराष्ट्र सचिव मार्को रुबियो यांनी मोठे पाऊल उचलले. पाकिस्तानला बाजूला सारून मार्को रुबियो आणि व्हाईट हाऊसचे दूत स्टीव्ह विटकॉफ यांनी शनिवारी मियामी येथे कतारचे पंतप्रधान मोहम्मद बिन अब्दुल रहमान अल थानी यांची भेट घेतली. पाकिस्तानला मोठा हा धक्काच आहे. कतारही युद्धात मध्यस्थी करण्याकरिता मैदानात उतरला आहे.

इराण आणि अमेरिका युद्धाचा परिणाम फक्त तीन देशांपुरता मर्यादित राहिला नाही. त्याचा परिणाम जगावर होत आहे. युद्धविरामासाठी वाटाघाटी सुरू आहे. या संपूर्ण प्रक्रियेत कतारची भूमिका अत्यंत महत्त्वाची मानली जात आहे. कतार सुरूवातीपासूनच पडद्यामागून भूमिका बजावत असल्याचे सांगितले जात आहे. पाकिस्तान फक्त जगाला आम्ही युद्ध थांबवत आहेत, हे दाखवत आहे.

दुसरीकडे यादरम्यानच पाकिस्तानचे तेलवाहू जहाज कतारच्या दिशेने निघाले आहे. कतारकडून एलपीजी गॅस घेण्यासाठी हे जहाज कतारकडे निघाले. कतारच्या पंतप्रधानांनी वॉशिंग्टनमध्ये अमेरिकेच्या उपराष्ट्रपतींची भेट घेतली आणि त्यानंतर थेट मियामीला प्रवास केला. तिथे त्यांनी सौदी अरेबियाच्या परराष्ट्र मंत्र्यांशीही चर्चा केली. कतारच्या मध्यस्थीला यश मिळण्याची दाट शक्यता आहे. ट्रम्प यांनी युद्ध थांबवण्याकरिता कतारकडे मदत मागितल्याचे सांगितले जाते.

अमेरिका अजूनही इराणच्या प्रतिसादाची वाट पाहत आहे. तणाव कमी करण्यासाठी आणि शक्य तितक्या लवकर कराराच्या दिशेने वाटचाल करण्यासाठी दोन्ही बाजूंवर दबाव टाकला जात आहे. पाकिस्तानची मध्यस्थी सुरूवातीपासूनच इस्त्रायलला मान्य नव्हती. त्यामध्येच इराणकडूनही पाकिस्तानच्या भूमिकेवर संशय व्यक्त करण्यात आला. आता कतारला नक्की किती यश मिळते हे पाहण्यासारखे ठरणार आहे.