युद्ध थांबणार, थेट समोरासमोर बसून मार्ग काढण्याबाबत पत्र, या देशांचीही नावे, पुतिन यांना युक्रेनने..
इराण आणि अमेरिका युद्धाने जग वैतागले. या युद्धाचा परिणाम जगातील जवळपास सर्वच देशांवर होत आहे. त्यामध्येच आता मोठी माहिती पुढे येत आहे. युद्ध थांबवण्याकरिता मोठा प्रस्ताव देण्यात आला. समोरासमोर बसून चर्चा करावी, असे थेट झेलेंस्की यांनी म्हटले.
गेल्या चार वर्षांपासून रशिया आणि युक्रेन यांच्यात युद्ध सुरू आहे. या युद्धाचा परिणाम काही देशांवर झाला. अमेरिकेने या युद्धात मध्यस्थी करण्याचा प्रयत्न केला. मात्र, त्यांना यश मिळाले नाही. दुसरीकडे इराणसोबतच्या युद्धात अमेरिकेची पार वाट लागली. त्यामध्ये आता अमेरिकेकडे रशिया आणि युक्रेन यांच्यातील युद्ध थांबवण्याकरिता वेळ नाही. इराणनेच त्यांना सळो की पळो करून सोडलंय. इराणसोबतचे युद्ध थांबवण्याकरिता अमेरिकेवर मोठा दबाव आहे. त्यामध्येच आता रशिया आणि युक्रेन युद्धाबाबत मोठी अपडेट पुढे येत आहे. युक्रेनचे अध्यक्ष झेलेंस्की यांनी रशियाचे अध्यक्ष व्लादीमीर पुतिन यांना पत्र लिहिले. हेच नाही तर या पत्रात त्यांनी समोरासमोर बसून चर्चा करण्याचे आवाहन केले. विशेष म्हणजे या चार वर्षांच्या युद्धात त्यांनी पहिल्यांच समोरामोर बसून रशियासोबत चर्चा करण्याचा प्रस्ताव दिला.
त्यांनी पहिल्यांदाच पुतिन यांना पत्र लिहित चर्चेकरिता आमंत्रित केले. त्यांनी म्हटले की, आपण समोरासमोर बसून चर्चा करूयात. याकरिता तुर्की किंवा मध्य पूर्वेतील कोणतेही देश या चर्चेकरिता अनुकून राहतील. हेच नाही तर त्यांनी हे देखील म्हटले की, बैठकीकरिता कीव किंवा मॉस्को ठीक आहे. जेलेंस्की यांनी स्पष्ट म्हटले की, या युद्धातून पर्याय फक्त या दोनच देशांचे नेते काढू शकतात.
सुरूवातीला युक्रेनचे अध्यक्ष जेलेंस्की यांनी थेट मध्यस्थीकरिता अमेरिकेचे पाय पडले होते. या चर्चेकरिता पुतिन यांना तारीख निश्चित करावी लागेल. यादरम्यान जेलेंस्की यांनी म्हटले की, अमेरिकेच्या विश्वासवर ते हातावर हात ठेऊन बसू शकत नाहीत, त्याचा काहीच फायदा होणार नाही. कारण सध्याच्या परिस्थितीला अमेरिकेचे लक्ष इराणवर आहे. यादरम्यानच जेलेंस्की यांनी काही गंभीर आरोप रशियावर केले. त्यांनी म्हटले की, रशिया या युद्धाने वैतागला आहे.
युद्धाची किमती त्यांनाही मोजावी लागत आहे. हेच नाही तर जगाची झोप उडवणारा दावा त्यांनी केला. त्यांनी म्हटले की, गेल्या महिन्यात रशियाचे 30 हजार सैनिक मारले गेले. वाटाघाटीदरम्यान पूर्णपणे युद्धविराम व्हायला पाहिजे. यादरम्यान युक्रेनने रशियाच्या जेलमध्ये बंद असलेल्या त्यांच्या नागरिकांना परत देण्याची मागणीही केली. आता जेलेंस्की यांच्या पत्राला पुतिन नक्की काय प्रतिसाद देतात, हे पाहण्यासारखे ठरणार आहे.
