Marathi News International Why india and other countrys belive france dassault rafale fighter jet more than us Russia
Rafale Jet : अमेरिका, रशियापेक्षा फ्रान्सच्या राफेल विमानावर फक्त भारताचाच नाही तर जगातल्या अनेक देशांचा इतका विश्वास का?
Rafale Jet : शस्त्रास्त्र निर्मितीमध्ये अमेरिका आणि रशिया या दोन देशांमध्ये मुख्य स्पर्धा असते. पण फ्रान्सही या शर्यतीत मागे नाही. जगात अमेरिका आणि रशिया या दोन्ही देशांचे जे समर्थक आहेत, त्या देशांकडे अमेरिकन आणि रशियन बनावटीची शस्त्रास्त्र असतात.
अमेरिका आणि रशिया दोघांकडे आज पाचव्या पिढीची फायटर विमानं आहेत. अमेरिकेकडे F-22 रॅप्टर,F-35 आणि रशियाकडे SU-57 हे फायटर जेट आहे. पाचव्या पिढीच्या फायटर जेटचं वैशिष्ट्य म्हणजे स्टेल्थ टेक्नोलॉजी. शत्रुच्या रडारला ही विमानं दिसत नाहीत.
1 / 5
फ्रान्सने अजून पाचव्या पिढीचं लढाऊ विमान बनवलेलं नाही. त्यांच्याकडे सध्या 4.5 जनरेशनचं राफेल हे फायटर विमान आहे. आज जगातील अनेक देश रशिया-अमेरिकेऐवजी फ्रान्सच्या राफेलला पसंती देत आहेत. त्यामागे काही खास कारणं आहेत. भारतच नाही आखातातील अनेक देशांकडे राफेल फायटर विमान आहे.
2 / 5
भारताकडे सध्या 36 राफेल फायटर विमानं आहेत. अजून अशी 114 विमान आपण फ्रान्सकडून विकत घेणार अशी चर्चा आहे. डसॉल्ट राफेल या फ्रान्सच्या कंपनीने जगातील या सर्वोत्तम जेटची निर्मिती केली आहे. मॅक 4 स्पीडने लक्ष्याच्या दिशेने जाणारं मेटियोर मिसाइल आणि 9,500 किलो पेलोड शस्त्रास्त्र वाहून नेण्याची क्षमता या विमानाला खास बनवतं.
3 / 5
राफेलच्या मारक क्षमतेसह अत्याधिक गोपनीय स्पेक्ट्रा इलेक्ट्रॉनिक युद्ध प्रणाली ही या विमानाची खासियत आहे. ही प्रणाली विमानाच्या चारही बाजूला डिजिटल स्टेल्थ बबल बनवते. ही प्रणाली शत्रुच्या रडारला जॅम करते. त्याशिवाय विमानावर येणाऱ्या मिसाइलची दिशाभूल करण्याची क्षमता या सिस्टिममध्ये आहे.
4 / 5
राफेलमध्ये आरबीई 2 एक्टिव इलेक्ट्रॉनिकली स्कॅन्ड ऐरे (एईएसए) रडार आहे. त्याद्वारे टार्गेट हुडकून काढणं. एकाचवेळी अनेक विमानांची माहिती मिळते. यामध्ये मेटियोर बियॉन्ड विजुअल रेंज मिसाइल आहे. जे नजरेपलीकडच्या लक्ष्यभेदासाठी वापरलं जातं. हवेत विमानंची जी लढाई होते, त्याला डॉगफाइट म्हणतात. हे मिसाइल त्या डॉगफाईटसाठी वापरतात. 150 किलोमीटरपेक्षा जास्त अंतरावरील शत्रूच्या विमानाला मॅक 4 गतीने टार्गेट करतं.
