GK: इराणची अमेरिकेला टशन, तेलाचा महासाठा, एक लिटर पेट्रोलचा भाव तरी काय आता?

One liter Petrol Price in Iran: अमेरिका आता इराणवर युद्ध संपवण्यासाठी दबाव आणत आहे. पण या चिमुकल्या देशाने अमेररिकेला कडवी झुंज दिली आहे. वरिष्ठ नेते ठार झाल्यावरही हा देश युद्धभूमीतून मागे हटलेला नाही. अमेरिकेला निकराचा लढा देत आहे. तेलाचे महाकाय साठे असलेल्या या देशात पेट्रोल आणि डिझेलची किंमत काय असेल याची उत्सुकता जगातील सर्वांनाच आहे. जगभरात इराण युद्धाने ऊर्जेचे मोठे संकट उभे ठाकले आहेत. आंतरराष्ट्रीय बाजारात कच्चा तेलाच्या किंमती उसळल्या आहेत. भारताच्या शेजारील पाकिस्तान, बांग्लादेश, श्रीलंका, नेपाळ यासारख्या देशात इंधनाची स्थिती बिकट आहे. भारतही या संकटाशी दोन हात करत आहे. पण इराणमध्ये काय आहेत तेलाच्या किंमती?

पाकिस्तानमध्ये पेट्रोल-डिझेल महागले

स्थानिक वृत्तानुसार, पाकिस्तानमध्ये पेट्रोल आणि डिझेलच्या किंमतीत भरीव वाढ झाली आहे. या देशात डिझेलची किंमत जवळपास 54.9 टक्क्यांनी भडकली आहे. सध्या या देशात एक लिटर डिझेल 520.35 रुपयांना मिळत आहे. तर पाकिस्तानमध्ये एक लिटर पेट्रोलची किंमत 458.40 पाकिस्तानी रुपये आहे. पेट्रोलच्या किंमतीत 42.7 टक्क्यांची वाढ झाली आहे. तर वाहतुकीचा खर्च वाढल्याने महागाई भडकली आहे. सर्वसामान्य नागरिकाला मोठा फटका बसला आहे.

हाँगकाँगमध्ये सर्वात महाग पेट्रोल-डिझेल

जगात सर्वात महागडे इंधन हे हाँगकाँगमध्ये मिळत आहे. येथे एक लिटर पेट्रोलची किंमत जवळपास 4.1 डॉलर इतकी आहे. हा जगातील सर्वात महाग पेट्रोल भाव आहे. विशेष म्हणजे हाँगकाँगला 80 टक्के इंधनाचा पुरवठा आता चीन करत आहे. तो चीनचाच एक भाग झाला आहे. त्यामुळे अनेक लोक स्वस्त पेट्रोलसाठी चीनमध्ये जातात. पण हाँगकाँगमध्ये सार्वजनिक वाहतूक व्यवस्था आणि इलेक्ट्रिक वाहनांचा अधिक वापर होतो.

इराणमध्ये सर्वात स्वस्त पेट्रोल -डिझेल

इराण या देशात इंधनाचा मोठा साठा आहे. अनेक मोठ्या विहिरी आहेत. येथे एक लिटर पेट्रोलची किंमत 2.86 डॉलर इतकी आहे. त्यानंतर स्वस्त पेट्रोल नेदरलँड (2.74 डॉलर), डेन्मार्क (2.66 डॉलर), सिंगापूर ( 2.55 डॉलर), जर्मनी ( 2.42 डॉलर) असा क्रमांक लागतो. अल्बेनिया, ग्रीस आणि नॉर्वेमध्ये पण पेट्रोल आणि डिझेलच्या किंमती भडकल्या आहेत. भारतात यापूर्वीच पेट्रोल आणि डिझेलच्या किंमती 100 रुपयांच्या घरात पोहचल्या होत्या. गेल्या चार वर्षांपासून त्यात कोणतीही मोठी वाढ झालेली नाही. जागतिक बाजारात कच्चे तेल भडकल्यानंतर केंद्र सरकारने उत्पादन शुल्कात मोठी कपात केल्याने संभाव्य पेट्रोल-डिझेल वाढ होण्याची शक्यता मावळली आहे.