उपराष्ट्रपतींची निवड कशी होते? अचानक राजीनामा दिल्यानंतर निवडणूक कधी होते? जाणून घ्या A टू Z प्रक्रिया
जगदीप धनखड यांनी 21 जुलै रोजी उपराष्ट्रपती पदाचा राजीनामा दिल्यानंतर या पदासाठी निवडणूक कधी आणि कशी होईल? तसेच यामध्ये कोणाची स्थिती मजबूत आहे, हे जाणून घ्या.
जगदीप धनखड़ यांनी तात्काळ प्रभावाने उपराष्ट्रपती पदाचा राजीनामा दिल्याने हे पद सध्या रिक्त आहे. हे पद रिक्त ठेवता येत नाही. त्यामुळे पुढील 6 महिन्यांत या पदासाठी निवडणूक घ्यावी लागेल. या पदासाठी अनेक नावे चर्चेत आहेत. समीकरणे आणि संख्याबलाचा विचार केला तर संसदेच्या दोन्ही सभागृहांमध्ये सत्ताधारी एनडीएची स्थिती खूपच मजबूत आहे. परंतु हे लक्षात घ्या की उपराष्ट्रपती पदाची निवडणूक ही राष्ट्रपती निवडणुकीपेक्षा पूर्णपणे वेगळी आहे. यामध्ये फक्त लोकसभा आणि राज्यसभेचे खासदारच सहभागी होतात. राष्ट्रपती निवडणुकीत सर्व खासदारांसह देशभरातील विधानसभांचे आमदार मतदान करतात, तर उपराष्ट्रपती निवडणुकीत फक्त खासदारच मतदान करतात. हे पद 21 जुलै रोजी धनखड यांच्या राजीनाम्यामुळे रिक्त झाले आहे. त्यामुळे 21 जानेवारीपर्यंत देशाला नवीन उपराष्ट्रपती मिळायला हवे. निवडणूक आयोग लवकरच यासंदर्भात अधिसूचना जारी करून प्रक्रिया सुरू करेल, अशी अपेक्षा आहे. दरम्यान, ऑक्टोबर-नोव्हेंबरपर्यंत बिहारमध्येही विधानसभा निवडणुका होणार आहेत. ...
