Poonam Pandey | पूनम पांडे पुन्हा एकदा वादात, गोव्यात एफआयआर दाखल!
गोवा फॉरवर्ड पक्षाच्या महिला शाखेने पूनम पांडे विरोधात गोव्यातील पोलीस स्थानकात तक्रार दाखल केली आहे.
मुंबई : मॉडेल, अभिनेत्री पूनम पांडे (Actress Poonam Pandey) नेहमीच काहीना काही वादांमुळे चर्चेत आहे. यावेळी खुद्द पूनम विरोधात एफआयआर (FIR) दाखल करण्यात आला आहे. गोव्यातील चापोली धरणावर आक्षेपार्ह व्हिडीओचे चित्रीकरण केल्याने हा गुन्हा नोंदवण्यात आला आहे. गोवा फॉरवर्ड पक्षाच्या महिला शाखेने पूनम पांडे विरोधात गोव्यातील पोलीस स्थानकात तक्रार दाखल केली आहे. या एफआयआरमुळे पूनम पांडे पुन्हा एकदा चर्चेत आले आहे.(FIR against Actress Poonam Pandey at Goa Police station)
लग्नानंतर गोव्याला गेलेली पूनम पांडे नुकतीच मुंबईत परतली आहे. पूनम पांडेचा सदर व्हिडीओ चित्रित करणाऱ्या अज्ञात व्यक्ती विरोधातही तक्रार दाखल करण्यात आली आहे. दक्षिण गोव्याचे एसपी पंकज कुमार सिंह यांनी एएनआयला माहिती देताना सांगितले की, जलसंपदा विभागाचे सहायक अभियंता यांनी दिलेल्या तक्रारीच्या आधारे आयपीसीच्या कलम 294 अन्वये पूनम पांडेवर गुन्हा दाखल करण्यात आला आहे. पोलीस अधिक तपास करत आहेत. पुढील कारवाईदरम्यान गोवा पोलीस पूनम पांडेला हजर राहण्याचे आदेश देऊ शकतात.
Goa: FIR filed against an unknown person at Canacona PS for shooting of vulgar video featuring actress Poonam Pandey. Offence registered under IPC. Also, women’s wing of Goa Forward Party filed a complaint against Pandey for shooting obscene video at Chapoli Dam
— ANI (@ANI) November 4, 2020
लग्नाच्या पहिल्याच आठवड्यात पतीकडून मारहाण
बॉयफ्रेंड सॅम बॉम्बेसोबत 11 सप्टेंबरला पूनमने लगीनगाठ बांधली होती. फारसा गाजावाजा न करता पूनम गुपचूप लग्नाच्या बोहल्यावर चढली. पूनम आणि सॅम या दोघांनी लग्न समारंभातील फोटो आपापल्या इन्स्टाग्राम अकाऊंटवर शेअर केले होते. लग्नानंतर अवघ्या 13 दिवसानंतर पूनम पांडेने तिचा नवरा सॅम बॉम्बे याच्या विरोधात एफआयआर दाखल केला होता. हनिमूनसाठी गोव्याला गेलेल्या या जोडीमध्ये जोरदार भांडणे सुरू झाली होती. या दरम्यान पूनम पांडेने पती सॅमविरोधात मारहाणीची तक्रार दाखल केली. तसेच, तिने हे नाते तोडत, घटस्फोट घेणार असल्याचे म्हटले होते. (FIR against Actress Poonam Pandey at Goa Police station)
सॅम बॉम्बेने पूनमला इतकी मारहाण केली होती की तिला हॉस्पिटलमध्ये दाखल करण्यात आले. पूनमच्या तक्रारीवरून सॅमला अटक करण्यात आली होती. यानंतर काहीवेळाने त्याला जामीन देखील मिळाला होता.
पतीने आपला विनयभंग केल्याचा आरोप करत पूनम पांडेने पोलिसात तक्रार दाखल केली होती. गंभीर परिणामांना सामोरे जाण्याची धमकी पतीने दिल्याचा दावाही तिने केला होता. वीस हजार रुपयांच्या जातमुचलक्यावर गोवा कोर्टाने सॅम बॉम्बे याची सुटका केली होती. दक्षिण गोव्यातील कानाकोना गावात पूनम पांडे शूटिंग करत असलेल्या चित्रपटाच्या ठिकाणी हा प्रकार घडला होता.
(FIR against Actress Poonam Pandey at Goa Police station)
