संयुक्त राष्ट्र संघटनेत भारताची पुन्हा चीनला धोबीपछाड, महिलांविषयक आयोगाचे सदस्यपद
संयुक्त राष्ट्र संघटनेत महिलांच्या स्थितीवर काम करणाऱ्या आयोगाचा सदस्य म्हणून भारताची सोमवारी निवड झाली.
वॉशिंग्टन : संयुक्त राष्ट्र संघटनेच्या आर्थिक आणि सामाजिक परिषदेशी (Economic and Social Council – ECOSOC) निगडीत आयोगावर भारताने चीनला धोबीपछाड दिली. महिलांच्या स्थितीवर काम करणाऱ्या आयोगाचा सदस्य म्हणून भारताची सोमवारी निवड झाली. संयुक्त राष्ट्रातील भारताचे स्थायी प्रतिनिधी टीएस तिरुमूर्ती यांनी माहिती दिली. (India beats China to become member of UN’s Economic and Social Council body)
“भारताने प्रतिष्ठित ECOSOC मध्ये जागा मिळवली आहे. महिलांच्या स्थितीवर काम करणाऱ्या (Commission on Status of Women – CSW) आयोगाचा सदस्य म्हणून भारताची निवड झाली आहे. ही बाब लैंगिक समानता तसेच महिला सक्षमीकरणासाठी असलेली आमची वचनबद्धता आणि कार्यतत्परता दर्शवणारी आहे. याबद्दल आम्ही सर्व सदस्यांचे आभार मानतो” असे ट्वीट टीएस तिरुमूर्ती यांनी केले.
India wins seat in prestigious #ECOSOC body!
India elected Member of Commission on Status of Women #CSW. It’s a ringing endorsement of our commitment to promote gender equality and women’s empowerment in all our endeavours.
We thank member states for their support. @MEAIndia pic.twitter.com/C7cKrMxzOV
— PR UN Tirumurti (@ambtstirumurti) September 14, 2020
(India beats China to become member of UN’s Economic and Social Council body)
भारत, अफगाणिस्तान आणि चीन यांनी ही निवडणूक लढवली होती. भारत आणि अफगाणिस्तानने 54 सदस्यांपैकी बहुतांश मते जिंकली, तर चीनला निम्म्या मतांचा टप्पाही ओलांडता आला नाही. पुढील चार वर्षे (2021 ते 2025) भारत या आयोगाचा सदस्य राहणार आहे.
विशेष म्हणजे, यावर्षीच चीन प्रसिद्ध “महिलांविषयक बीजिंग जागतिक परिषदे”चा (Beijing World Conference on Women) 25 वा वर्धापन दिन साजरा करत आहे. या पार्श्वभूमीवर चीनसाठी हा मोठा झटका मानला जात आहे.
याआधी, भारताला जून महिन्यातच संयुक्त राष्ट्रसंघाच्या सुरक्षा परिषदेचे (UNSC) अस्थायी सदस्यत्व बहाल करण्यात आले. संयुक्त राष्ट्रसंघाच्या सदस्य देशांनी भारताला बहुमताने मंजुरी दिल्याने आशिया कालखंडातून भारत बिनविरोध निवडून आला होता. 2021-22 या कालावधीसाठी अस्थायी सदस्य म्हणून भारताची निवड झाली आहे.
संबंधित बातम्या :
(India beats China to become member of UN’s Economic and Social Council body)
