Beirut Blast | शक्तीशाली स्फोटात 220 जणांचा मृत्यू, लेबनानच्या पंतप्रधानांसह अख्ख्या मंत्रिमंडळाचा राजीनामा
लेबनानचे पंतप्रधान हसन दियाब यांनी राजधानी बेरुतमध्ये झालेल्या शक्तिशाली स्फोटानंतर मंत्रिमंडळासह सामूहिक राजीनामा दिला आहे (Lebanon PM resign after blast).
बेरुत : लेबनानचे पंतप्रधान हसन दियाब यांनी राजधानी बेरुतमध्ये झालेल्या शक्तिशाली स्फोटानंतर मंत्रिमंडळासह सामूहिक राजीनामा दिला आहे (Lebanon PM resign after blast). त्यांनी लेबनानाच्या राष्ट्रीय वृत्तवाहिनीवर जनतेला संबोधित करत आपल्या राजीनाम्याची घोषणा केली. यावेळी त्यांनी एक पाऊल मागे येऊन लेबनानच्या नागरिकांसोबत बदलाच्या प्रक्रियेत सहभागी होत असल्याचंही नमूद केलं.
नुकताच लेबनानची राजधानी बेरुतमध्ये शक्तिशाली स्फोट झाला. या स्फोटाने जगाला हदरवलं. त्यात आतापर्यंत 220 लोकांचा मृत्यू झाला, तर अनेकजण गंभीर जखमी आहेत. हसन दियाब म्हणाले, “मी एक पाऊल मागे टाकत आहे. त्यामुळे मला लोकांसोबत त्यांच्या बदलाच्या लढाईत सहभागी होता येईल. मी आज या सरकारमधील माझ्या पदाचा राजीनामा देत आहे. ईश्वर लेबनानला सुरक्षित ठेवो.”
TOP 9 | लोकल ते ग्लोबल, सर्व बातम्या एकत्र, पाहा टॉप 9 न्यूज!
बेरुतमधील स्फोटानंतर लेबनानच्या नागरिकांमध्ये प्रचंड असंतोष पाहायला मिळाला. नागरिकांनी याला सरकारचा बेजबाबदारपणा कारण मानून पंतप्रधानांसह मंत्रिमंडळाच्या राजीनाम्याची मागणी केली होती.सरकारवर अकार्यक्षम असल्याचाही आरोप झाला. त्याविरोधात लाखो लेबनन नागरिकांनी रस्त्यावर उतरुन सरकारचा जोरदार विरोध करण्यास सुरुवात केली.
मागील काही काळात लेबनानवर ढासाळलेल्या अर्थव्यवस्थेचं मोठं संकट आलं होतं. त्यातच बेरुतमध्ये झालेल्या शक्तीशाली स्फोटानंतर हा जनतेतील असंतोष टोकाला गेला. लाखो नागरिक रस्त्यावर उतरुन पंतप्रधानांसह मंत्रिमंडळाच्या राजीनाम्याची मागणी करत होते. यातून लेबनान सरकारवर मोठा दबाव वाढला होता. त्यातूनच अखेर हे राजीनामा सत्र झालं.
संबंधित बातम्या :
Beirut Blast Video | लेबनानची राजधानी बेरुतमध्ये 15 मिनिटात दोन महाभयंकर स्फोट, हजारो जखमी
Lebanon PM resign after Beirut blast
