Corona : मालेगावात पाच नवे कोरोना रुग्ण, दहा वर्षाखालील दोन मुलांना कोरोना

नाशिक : नाशकात कोरोनाचा विळखा हा वाढतच आहे (Malegaon Corona Patients). नाशिकच्या मालेगावात कोरोनाचे आणखी 5 नवे रुग्ण आढळले आहेत. धक्कादायक म्हणजे या पाच रुग्णांपैकी दोन रुग्ण ही लहान मुलं आहेत. याममध्ये दहा वर्षाखालील एका मुलाला आणि मुलीला कोरोनाची लागण झाली आहे. त्यामुळे आता मालेगावात (Malegaon Corona Patients) कोरोनाबाधितांची संख्या 16 वर जाऊन पोहोचली आहे.

मालेगावात पाच नवे रुग्ण आढळुन आल्याने चिंता वाढली आहे. काल रात्री उशिरा या रुग्णांचा अहवाल आला. यामध्ये 64 रुग्णांची कोविड-19 चाचणी करण्यात आली होती. त्यापैकी 22 जणांचे अहवाल काल प्राप्त झाले. या 22 जणांपैकी 17 जणांचे अहवाल निगेटिव्ह आले आहेत, तर पाच जणांचे अहवाल पॉझिटिव्ह आले.

VIDEO : Corona Special Report | पुण्याचा मृत्यूदर जगात सर्वाधिकhttps://t.co/3MewOmU1q6

— TV9 Marathi (@TV9Marathi) April 11, 2020

या पाच पॉझिटिव्ह रुग्णांमध्ये दोन लहान मुलांचा समावेश आहे. ही दोन्ही लहान मुलं 10 वर्षांपेक्षा कमी वयाची आहे. यामध्ये एक मुलगा आणि एका मुलीचा समावेश आहे (Malegaon Corona Patients). या रुग्णांच्या अहवालानंतर मालेगावात कोरोना रुग्णांची संख्या 16 वर जाऊन पोहोचली आहे. तर आतापर्यंत दोन जणांचा कोरोनामुळे मृत्यू झाला आहे.

राज्यात कोरोनाचे रुग्ण वाढतेच

राज्यात काल (11 एप्रिल) कोरोनाच्या 187 नवीन रुग्णांची नोंद झाली. यासह राज्यातील एकूण कोरोना रुग्णांची संख्या 1761 झाली आहे (Total Corona Patient in Maharashtra). आतापर्यंत 208 कोरोनाबाधित रुग्ण उपचारानंतर बरे झाले आहेत. त्यांना घरीही सोडण्यात आले आहे. तर 127 जणांचा बळी कोरोनाने घेतला आहे.

Malegaon Corona Patients

कोरोनाचे कुठे किती रुग्ण?