‘कोरोना’पासून बचावासाठी ‘SUMAN M’ पद्धत, खासदार अमोल कोल्हेंची भन्नाट आयडिया

खासदार अमोल कोल्हे 'कोरोना'पासून बचावासाठी एक भन्नाट आयडिया सुचवली (Amol kolhe SUMAN M Idea) आहे.

'कोरोना'पासून बचावासाठी 'SUMAN M' पद्धत, खासदार अमोल कोल्हेंची भन्नाट आयडिया

मुंबई : राज्यात कोरोनाबाधितांची संख्या 42 वर पोहोचली (Amol kolhe SUMAN M Idea) आहे. पुण्यात सर्वाधिक 18 जणांना कोरोनाची लागण झाली आहे. कोरोना विषाणूंचा प्रादुर्भाव रोखण्यासाठी अनेक उपाययोजना केल्या जात आहे. खासदार अमोल कोल्हे ‘कोरोना’पासून बचावासाठी एक भन्नाट आयडिया सुचवली आहे. याबाबतचा एक व्हिडीओ आरोग्यमंत्री राजेश टोपे यांनी ट्विट केला आहे.

“हात धुवा, हात धुवा, हात धुवा, असे धुवा, तसे धुवा, ऐकून ऐकून कंटाळा आला असेल ना? ऐकण्याचा कंटाळा (Amol kolhe SUMAN M Idea) येऊ द्या, हात धुण्याचा मात्र कंटाळा करु नका, असे अमोल कोल्हेंनी या व्हिडीओत म्हटलं आहे.

अमोल कोल्हेंनी यात एक भन्नाट आयडियाही सुचवली आहे. “अत्यंत सोपी आणि साधी हात धुण्याची पद्धत आहे. त्यासाठी SUMAN M’ हे नाव लक्षात ठेवा. साबण लावून कमीत कमी 20 सेकंद हे चाललं पाहिजे. S – सरळ, U- उलट, M – मूठ, A- अंगठा, N – नखं आणि M म्हणजे मनगट,” असे अमोल कोल्हे म्हणाले.

“कोरोनापासून वाचण्याचा हा सर्वात साधा, सोपा आणि प्रभावी उपाय आहे. कोरोना घाबरु नका पण जागरुक राहा,” असे आवाहनही अमोल कोल्हेंनी केलं आहे.

इतकंच नव्हे तर कोरोनापासून सावधानतेचे अनेक व्हिडीओही राजेश टोपे यांनी ट्विट केले आहे. यात एका व्हिडीओमध्ये अमोल कोल्हेंनी जनतेला गर्दीची ठिकाणं टाळण्याचे आवाहन केलं आहे. तर दुसऱ्या व्हिडीओत मास्कबाबत काही सूचना केल्या आहेत.

कोरोनाचे कुठे किती रुग्ण?

  • पिंपरी चिंचवड – 11
  • पुणे – 8
  • मुंबई – 8
  • नागपूर – 4
  • यवतमाळ – 3
  • कल्याण – 3
  • नवी मुंबई – 3
  • रायगड – 1
  • ठाणे -1
  • अहमदनगर – 1
  • औरंगाबाद – 1
  • रत्नागिरी – 1
  • एकूण 45

महाराष्ट्रात कुठे आणि कधी कोरोनाचे रुग्ण आढळले?

  • पुण्यातील दाम्पत्य (2) – 9 मार्च
  • पुण्यातील दाम्पत्याची मुलगी (1) – 10 मार्च
  • पुण्यातील कुटुंबाचा नातेवाईक (1)– 10 मार्च
  • पुण्यातील कुटुंबाला नेणारा टॅक्सी चालक (1)– 10 मार्च
  • मुंबईतील सहप्रवासी (2) – 11 मार्च
  • नागपूर (1) – 12 मार्च
  • पुणे (1) – 12 मार्च
  • पुणे (3) – 12 मार्च
  • ठाणे (1) – 12 मार्च
  • मुंबई (1) – 12 मार्च
  • नागपूर (2) – 13 मार्च
  • पुणे (1) – 13 मार्च
  • अहमदनगर (1) – 13 मार्च
  • मुंबईत (1) – 13 मार्च
  • नागपूर (1) – 14 मार्च
  • यवतमाळ (2) – 14 मार्च
  • मुंबई (1) – 14 मार्च
  • वाशी (1) – 14 मार्च
  • पनवेल (1) – 14 मार्च
  • कल्याण (1) – 14 मार्च
  • पिंपरी चिंचवड (5) – 14 मार्च
  • औरंगाबाद (1) – 15 मार्च
  • पुणे (1) – 15 मार्च
  • मुंबई (3) – 16 मार्च
  • नवी मुंबई (1) – 16 मार्च
  • यवतमाळ (1) – 16 मार्च
  • नवी मुंबई (1) – 16 मार्च
  • मुंबई (1) – 17 मार्च
  • पिंपरी चिंचवड (1) – 17 मार्च
  • पुणे (1) – 18 मार्च
  • पिंपरी चिंचवड (1) – 18 मार्च
  • मुंबई (1) – 18 मार्च
  • रत्नागिरी (1) – 18 मार्च
  • एकूण – 45 कोरोनाबाधित रुग्ण

कोरोनामुळे आतापर्यंत कुठे किती मृत्यू?

  • कर्नाटक – 76 वर्षीय वृद्धाचा मृत्यू (1) – 11 मार्च
  • दिल्ली – 69 वर्षीय महिलेचा मृत्यू (1) – 13 मार्च
  • मुंबई – 64 वर्षीय वृद्धाचा मृत्यू (1) – 17 मार्च
  • एकूण – 3 कोरोनाग्रस्तांचा मृत्यू

(Amol kolhe SUMAN M Idea)

Click on your DTH Provider to Add TV9 MARATHI