School Teachers Corona | उस्मानाबोदत शाळा सुरु होण्याच्या पूर्वसंध्येला 15 शिक्षकांचा रिपोर्ट पॉझिटीव्ह

उस्मानाबाद : कोरोनामुळे गेल्या आठ महिन्यांपासून बंद असलेल्या शाळा उद्यापासून अखेर सुरु होणार आहेत (Osmanabad School Teachers Corona). या पार्श्वभूमीवर खबरदारी म्हणून शिक्षकांच्या कोरोना चाचण्या करण्यात आल्या होत्या. यामध्ये शेकडो शिक्षकांना कोरोनाची लागण झाल्याचं दिसून येत आहे. शाळा सुरु होण्यापूर्वीच शिक्षकांना कोरोनाचं ग्रहण लागल्याचं चित्र आहे. उस्मानाबादेत शाळा सुरु होण्याच्या पूर्वसंध्येला जिल्ह्यातील आणखी 15 शिक्षकांचे कोरोना अहवाल पॉझिटिव्ह आल्याने खळबळ उडाली आहे (Osmanabad School Teachers Corona).

उस्मानाबाद जिल्ह्यात आतापर्यंत 70 शिक्षकांना कोरोनाची लागण झाली आहे. मात्र, तरीही उद्यापासून शाळा सुरु करण्याचे आदेश जिल्हाधिकारी यांनी दिले आहेत.

उस्मानाबाद जिल्ह्यात यापूर्वीचे 55 आणि आज नवीन 015 असे एकूण 70 शिक्षक कोरोना पॉझिटिव्ह सापडले आहेत. उस्मानाबाद जिल्ह्यात 491 शाळा असून त्यात 4 हजार 737 शिक्षक आहेत. 4 हजार 460 शिक्षकांनी कोरोना टेस्ट केली असून त्यातील 4 हजार 390 शिक्षक निगेटीव्ह तर 70 पॉझिटिव्ह आले आहेत. तर 277 शिक्षकांचे कोरोना तपासणी अहवाल अजून येणे बाकी आहे. जिल्हा परिषदेचे माध्यमिक शिक्षण अधिकारी गजानन सुसर यांनी याबाबतची माहिती दिली (Osmanabad School Teachers Corona).

कोरोना संकट आणि लॉकडाऊमुळे बंद असलेल्या शाळा येत्या 23 नोव्हेंबरपासून (school reopen) सुरु होण्याचा निर्णय ठाकरे सरकारने (Thackeray Sarkar) घेतला आहे. त्यानुसार नववी ते बारावीपर्यंतचे वर्ग भरवण्याचे नियोजन आहे. मात्र कोरोनाच्या दुसऱ्या लाटेच्या शक्यतेने, शाळा उघडण्याबाबत अनेक जिल्ह्यात संभ्रम दिसत आहे.

शाळा सुरू झाली तरी शाळेत येणे सक्तीचे नाही; राज्यमंत्री प्राजक्त तनपुरेंची माहिती#schoolreopening #PrajaktTanpurehttps://t.co/Br0mzflaO2

— TV9 Marathi (@TV9Marathi) November 21, 2020

Osmanabad School Teachers Corona

संबंधित बातम्या :

नाशिकमध्ये 4 जानेवारीपासून शाळा सुरू होणार; तर जळगावमधील शाळांचा निर्णय सोमवारी!

शाळा सुरु करण्याच्या निर्णयावर पुनर्विचाराची गरज; बच्चू कडू मुख्यमंत्र्यांना भेटणार