Poonam Pandey | गोव्याच्या किनारी आक्षेपार्ह व्हिडीओ, मॉडेल पूनम पांडे पोलिसांच्या ताब्यात
गोव्यातील धरणावर आक्षेपार्ह चित्रीकरण केल्याने अभिनेत्री, मॉडेल पूनम पांडेला गोवा पोलिसांनी अटक केली आहे.
मुंबई : गोव्यातील धरणावर आक्षेपार्ह चित्रीकरण केल्याने अभिनेत्री, मॉडेल पूनम पांडेला गोवा पोलिसांनी ताब्यात घेतले आहे. थोड्याच वेळात तिला स्थानिक न्यायालयात हजर करण्यात येणार आहे. व्हिडीओच्या चित्रिकरणादरम्यान पूनम पांडेजवळ (Poonam Pandey Arrest) उभ्या असलेल्या दोन पोलिस कर्मचार्‍यांनाही निलंबित करण्यात आले आहे. कॅनकोना पोलिसांनी पूनमला अगौदा येथील रिसॉर्टमधून अटक केली आहे. या प्रकरणात अश्लील फोटो शूट करणार्‍या अज्ञात व्यक्तीवरही गुन्हा दाखल आहे (Poonam Pandey Arrested by goa police for shooting an obscene video).
Actress Poonam Pandey detained by Goa Police for allegedly trespassing into a government property, shooting an obscene video in coastal state: official
— Press Trust of India (@PTI_News) November 5, 2020
लग्नानंतर गोव्यावरून परतलेली पूनम नुकतीच पुन्हा गोव्यात परतली होती. पूनम पांडेचा सदर व्हिडीओ चित्रित करणाऱ्या अज्ञात व्यक्ती विरोधातही तक्रार दाखल करण्यात आली आहे. दक्षिण गोव्याचे एसपी पंकज कुमार सिंह यांनी एएनआयला माहिती देताना सांगितले की, जलसंपदा विभागाचे सहायक अभियंता यांनी दिलेल्या तक्रारीच्या आधारे आयपीसीच्या कलम 294 अन्वये पूनम पांडेवर गुन्हा दाखल करण्यात आला आहे.
Poonam Pandey | पूनम पांडे पुन्हा एकदा वादात, गोव्यात एफआयआर दाखल!
लग्नाच्या पहिल्याच आठवड्यात पतीकडून मारहाण
बॉयफ्रेंड सॅम बॉम्बेसोबत 11 सप्टेंबरला पूनमने लगीनगाठ बांधली होती. फारसा गाजावाजा न करता पूनम गुपचूप लग्नाच्या बोहल्यावर चढली. पूनम आणि सॅम या दोघांनी लग्न समारंभातील फोटो आपापल्या इन्स्टाग्राम अकाऊंटवर शेअर केले होते. लग्नानंतर अवघ्या 13 दिवसानंतर पूनम पांडेने तिचा नवरा सॅम बॉम्बे याच्या विरोधात एफआयआर दाखल केला होता. हनिमूनसाठी गोव्याला गेलेल्या या जोडीमध्ये जोरदार भांडणे सुरू झाली होती. या दरम्यान पूनम पांडेने पती सॅमविरोधात मारहाणीची तक्रार दाखल केली. तसेच, तिने हे नाते तोडत, घटस्फोट घेणार असल्याचे म्हटले होते. (Poonam Pandey Arrested by goa police for shooting an obscene video)
सॅम बॉम्बेने पूनमला इतकी मारहाण केली होती की तिला हॉस्पिटलमध्ये दाखल करण्यात आले. पूनमच्या तक्रारीवरून सॅमला अटक करण्यात आली होती. यानंतर काहीवेळाने त्याला जामीन देखील मिळाला होता.
पतीने आपला विनयभंग केल्याचा आरोप करत पूनम पांडेने पोलिसात तक्रार दाखल केली होती. गंभीर परिणामांना सामोरे जाण्याची धमकी पतीने दिल्याचा दावाही तिने केला होता. वीस हजार रुपयांच्या जातमुचलक्यावर गोवा कोर्टाने सॅम बॉम्बे याची सुटका केली होती. दक्षिण गोव्यातील कॅनाकोना गावात पूनम पांडे शूटिंग करत असलेल्या चित्रपटाच्या ठिकाणी हा प्रकार घडला होता.
(Poonam Pandey Arrested by goa police for shooting an obscene video)