मफलर मॅनचा चेहरा आज येणार समोर? रोहित पवारांच्या पत्रकार परिषदेकडे महाराष्ट्राचे लक्ष!
अजित पवारांच्या विमान अपघाताबाबत मफलर मॅनच्या उल्लेखावरून राजकीय वर्तुळात गूढ वाढले आहे. रोहित पवार आज पत्रकार परिषद घेऊन मफलर मॅनचा चेहरा समोर आणण्याची शक्यता आहे. यापूर्वी विधानसभेत गुन्हा दाखल न झाल्याचा मुद्दा त्यांनी उपस्थित केला होता. ही हत्या की अपघात याचे गूढ कायम असून, या पत्रकार परिषदेकडे सर्वांचे लक्ष लागले आहे.
अजित पवारांच्या विमान अपघातासंदर्भात मफलर मॅन असा उल्लेख केल्यापासून राजकीय वर्तुळात आणि सामान्य नागरिकांमध्येही तो मफलर मॅन कोण आहे, याबाबत चर्चा सुरू आहे. राष्ट्रवादी काँग्रेसचे नेते रोहित पवार आज या संदर्भात पत्रकार परिषद घेणार असून, त्यात ते मफलर मॅनचा चेहरा समोर आणण्याची शक्यता आहे. गेल्या दोन दिवसांपासून मुंबई आणि पुण्यामध्ये मफलर मॅनचे पोस्टर्स झळकले आहेत, ज्यामुळे या प्रकरणाची उत्सुकता अधिक वाढली आहे. यापूर्वी रोहित पवारांनी विधानसभेत हा मुद्दा उपस्थित केला होता.
एका राज्याच्या उपमुख्यमंत्र्यांच्या प्रकरणाची चौकशी होऊन गुन्हा का दाखल होत नाही, असा प्रश्न त्यांनी उपस्थित केला होता. त्यामुळे हा अपघात होता की घातपात, याचे गूढ अजूनही कायम आहे. काही राजकीय नेत्यांनी रोहित पवारांच्या या भूमिकेला स्टंटबाजी आणि नौटंकी म्हटले आहे, तर काहींनी हे केवळ प्रसिद्धी मिळवण्यासाठी असल्याचा आरोप केला आहे. मात्र, आजच्या पत्रकार परिषदेतून मफलर मॅनची ओळख समोर येते का आणि या प्रकरणाला कोणते नवे वळण मिळते, याकडे संपूर्ण महाराष्ट्राचे लक्ष लागले आहे.
Published on: Nov 16, 2026 10:00 AM
मफलर मॅनचा चेहरा आज येणार समोर? रोहित पवारांच्या पत्रकार परिषदेकडे...
पुण्यात अमित शाह आणि देवेंद्र फडणवीस यांची भेट? राजकीय वर्तुळात चर्चां
आंबेगावात कामगारांचं बचावकार्य सुरु असतानाच भाजप नेत्यांकडून धक्कादायक
कर्जतमध्ये टोरेंट प्रकल्पावरून संघर्षाची ठिणगी! 226 शेतकऱ्यांना...

