PMC Election Ward 13 Baner | बाणेर भागातील प्रभाग क्रमांक 13 वर भाजपाची सत्ता, यंदाही कमळ फुलणार का?

Image Credit source: tv9 marathi

पुणेः  राज्यातील पहिल्या टप्प्यातील महापालिका निवडणुकीचा (Municipal Corporation Election) बिगुल वाजला आहे. यात पुणे आणि पिपरी चिंचवड  महापालिकेचाही समावेश आहे. भाजपाच्या (BJP) ताब्यात असलेल्या पुणे महापालिकेची सत्ता मिळवण्यासाठी यंदा राष्ट्रवादीने (NCP) कंबर कसली आहे. तर भाजप प्रदेशाध्यक्ष चंद्रकांत पाटीलदेखील राष्ट्रवादीला सत्तेपासून दूर ठेवण्यासाठी संपूर्ण प्रतिष्ठा पणाला लावतील. बदललेले प्रभाग, एकापेक्षा एक तुल्यबळ उमेदवार आणि पक्षांतर्गत कुरघोडी अशा स्थितीत पुण्याती महापालिका निवडणुकीत राष्ट्रवादी काँग्रेस आणि भाजपामध्ये यंदा मोठी चुरस पहायला मिळेल. पुण्यातील बाणेर भागातील प्रभाग क्रमांक 13 मध्येही भाजप विरुद्ध महाविकास आघाडी अशी स्पर्धा रंगलेली दिसणार आहे. बाणेर येथील एरंडवणा, हॅपी कॉलनी भागातील चार वॉर्डांचा समावेश या प्रभागात होता. यंदा हा प्रभाग दोनच वॉर्डांमध्ये विभागला गेला आहे.. यापैकी एक खुल्या गटातील महिलांसाठी आरक्षित आहे तर एक खुल्या गटासाठी निश्चित करण्यात आला आहे. भाजपाचं वर्चस्व असलेल्या या परिसरात यंदा राष्ट्रवादी काँग्रेस शिरकाव करू शकते का, हे पाहणं औत्सुक्याचं ठरेल..

लोकसंख्येचं गणित काय?

पुणे महापालिकेतील प्रभाग क्रमांक 13 मधील एकूण लोकसंख्या 37,589 एवढी आहे. त्यापैकी अनुसूचित जातींची लोकसंख्या 4147 एवढी आहे तर अनुसूचित जमातींची संख्या 650 एवढी आहे.

वॉर्ड क्रमांक अ ची स्थिती काय?

एरंडवणा हॅपी कॉलनी परिसरात 2017 मधील निवडणुकीत भाजपाने सत्ता काबीज केली होती. या वॉर्डात भाजपचे दीपक पोटे यांनी शिवसेना आणि मनसेच्या उमेदवारासमोर मोठी आघाडी घेत विजय संपादन केला होता. दीपक पोटे यांना मागील निवडणुकीत 20,468 मते मिळाली होती. तर मनसेचे अनिल राणे यांनी 5,228 मतं मिळवली. शिवसेनेचे अनिल माझिरे यांना 4,5096 मतांवर समाधान मानावं लागलं. यावर्षीच्या निवडणुकीत हा वॉर्डमध्ये भाजपचं कमळ फुलणार का, याकडे सर्वांचं लक्ष आहे.

2017 मधील मताधिक्य कसं?

– दीपक पोटे- भाजपा कमळ- 20468
– अनिल बाबुराव राणे- मनसे- 5228
अनिल माझिरे- शिवसेना-4596
प्रशांत वेलणकर – काँग्रेस- 1349
संजय छबू चव्हाण- राष्ट्रवादी काँग्रेस-2364
वैध मते- 35,546

वॉर्ड क्रमांक ब ची स्थिती काय?

बाणेर भागातील या परिसरातही 2017 मध्ये भाजपच्या उमेदवाराचा विजय झाला होता. या उमेदवाराने शिवसेनेच्या उमेदाराविरोधात मोठी आघाडी घेतली होती. पाहुयात मताधिक्य-
-माधुरी श्रीराम सहस्त्रबुद्धे- भाजप- 23,069
डॉ. प्रांजली थरकुंडे- शिवसेना- 4091
सुरेखा होले- मनसे- 2937
अनघा नाइक- राष्ट्रवादी काँग्रेस- 2719
सोनाली देविदास मगर- काँग्रेस- 1562
वैध मते- 35,546

वॉर्ड क्रमांक क ची स्थिती काय?

2017 मध्ये खुल्या गटातून या जागेवर उमेदवारांनी निवडणूक लढवली. भाजपच्या मंजुश्री खर्डेकर यांनी या निवडणुकीत अपक्ष उमेदवार प्रभावती बोरकर यांच्यावर मोठा विजय म िळवला होता. पाहुयात त्या वेळचं मताधिक्य-
मंजुश्री खर्डेकर- भाजपा- कमळ- 20,943
प्रभावती बोरकर- अपक्ष- 4017
अॅड लंदना विवेक कडू- काँग्रेस- 1439
अश्विनी किशोर कांबळे- राष्ट्रवादी काँग्रेस- 2717
आयुषी राजेश पळसकर- शिवसेना- 3455
पद्मजा हेमंत संभूस- मनसे- 1857

वॉर्ड क्रमांक ड

बाणेरमधील या वॉर्डातदेखील भाजपच्या नगरसेवकाची सत्ता आहे. इथे 2017 मधील निवडणुकीत राष्ट्रवादी काँग्रेसच्या चैतन्य मानकर यांचा पराभव करत भाजपचे जयंत भावे विजयी झाले होते. पाहुयात मताधिक्य-
जयंत गोविंद भावे – भाजपा- 19891
चैतन्य अशोक मानकर- राष्ट्रवादी काँग्रेस- 3659
शिरीष गजानन आपटे- शिवसेना- 3082
मंदार चंद्रशेखर बलकवडे- मनसे- 3751
प्रकाश सोमनाथ कदम- अपक्ष- 176
शिवा मंत्री- काँग्रेस- 3477