ग्रहणानिमित्त शिर्डीतील साईबाबा मंदिराच्या वेळेत बदल

अहमदनगर (शिर्डी) : कंकणाकृती सूर्यग्रहणाच्या निमित्ताने उद्या (26 डिसेंबर) शिर्डी साईबाबा समाधी मंदिराच्या दैनंदिन (Shirdi saibaba temple closed during grahan) कार्यक्रमांच्या वेळेत बदल करण्यात आला आहे. गुरुवारी 26 डिसेंबर 2019 रोजी सकाळी 8.05 ते सकाळी 11 याकाळात कंकणाकृती सूर्यग्रहण असल्याने श्री साईबाबा समाधी मंदिर 3 तास दर्शनासाठी बंद ठेवण्याचा निर्णय साईबाबा संस्थानाने घेतला (Shirdi saibaba temple closed during grahan) आहे.

नाताळच्या सुट्टीनिमित्ताने लाखो भाविक शिर्डीत साईबाबांचे दर्शन घेण्यासाठी येत असतात. त्यामुळे दर्शनासाठी मोठी गर्दी होत असते. मात्र उद्या सूर्यग्रहण असल्याने सकाळी ऐन गर्दीच्या वेळी सकाळी तीन तास मंदिर बंद ठेवण्यात येणार आहे. त्यामुळे गुरुवारी दुपारनंतरच भाविकांना दर्शनाचा लाभ घेता येणार आहे.

तसेच ग्रहण काळात साईबाबा मंदिराच्या दैनंदिन कार्यक्रमांमध्ये बदल करण्यात येणार आहे. सकाळी 8 वाजता साईबाबांचे समाधी मंदिर दर्शनासाठी बंद करण्यात येईल. त्यानंतर 8.05 ते 11 वाजेपर्यंत मंत्रोच्चार होतील. त्यानंतर सकाळी 11 वाजून 10 मिनिटांनी श्रींचे मंगल स्नान होईल. त्यानंतर 11.25 मिनिटांनी आरती होईल आणि दुपारी मध्यान्ह आरती (Shirdi saibaba temple closed during grahan) होईल.

सूर्यग्रहणारम्यान श्री साईसत्यव्रत आणि अभिषेक पूजा बंद ठेवण्यात आली आहे. त्यामुळे यादरम्यान ऑनलाईन बुकिंग केलेल्या साईभक्तांकरिता सकाळी 7 ते 8 यावेळेत श्री साईसत्यव्रत आणि अभिषेक पूजेचे आयोजन करण्यात आल्याचं संस्थानाच्या वतीने सांगण्यात आलं आहे.

या ग्रहण काळात साईसमाधी आणि साई मुर्तीला दुर्वा-तुळशीचं आच्छादन घालण्यात येईल. त्यानंतर मंत्रोच्चार सुरू असतो. साईंच मंगलस्नान पार पडल्यानंतर मध्यान्ह आरती पार पडेल आणि त्यानंतर दर्शन पूर्ववत सुरू होईल. असेही सांगण्यात (Shirdi saibaba temple closed during grahan) येत आहे.