Fake News Alert | सलून, ब्युटी पार्लरबाबत ‘ती’ व्हायरल अधिसूचना फेक!

सलून, ब्युटी पार्लर, पार्क आणि तत्सम सुविधा 29 मेपासून सुरु होणार नाहीत. लॉकडाऊनच्या नियमात राज्य सरकारने कुठलेही बदल केलेले नाहीत. (Social Media Viral Fake Notification on Beauty Parlor and Saloon)

Fake News Alert | सलून, ब्युटी पार्लरबाबत 'ती' व्हायरल अधिसूचना फेक!
अनिश बेंद्रे

|

May 28, 2020 | 9:34 AM

मुंबई : लॉकडाऊनच्या काळात केसांना कात्री लावण्यापासून घरच्या घरी नवे लूक करण्याचे फंडे अनेकांनी आजमावले असले, तरी सलून, ब्युटी पार्लर उघडण्याची वाट अनेक जण तितकीच आतुरतेने पाहत आहेत. त्यामुळे सोशल मीडियावर व्हायरल झालेली अधिसूचना वाचून आनंदाच्या भरात तुम्ही तात्काळ फॉरवर्ड करणार असाल, तर जरा थांबा! कारण सलून, ब्युटी पार्लर उघडण्याबाबत माहिती देणारी अधिसूचना फेक आहे. खुद्द महाराष्ट्र सरकारने याविषयी स्पष्टीकरण दिलं आहे. (Social Media Viral Fake Notification on Beauty Parlor and Saloon)

सलून, ब्युटी पार्लर, पार्क आणि तत्सम सुविधा 29 मेपासून सुरु होणार नाहीत. लॉकडाऊनच्या नियमात राज्य सरकारने कुठलेही बदल केलेले नाहीत. सोशल मीडियावर व्हायरल होत असलेल्या अधिसूचना या फेक आहेत. अशा प्रकारचे कुठलेही आदेश देण्यात आलेले नाहीत, असं राज्य सरकारने ट्विटरवरुन स्पष्ट केलं आहे.

काय आहे फेक मेसेज?

“बगिचे, मैदानं, फूटपाथ अशा सार्वजनिक ठिकाणी जॉगिंग, वॉकिंग, रनिंग, सायकलिंग आणि इतर शारिरीक व्यायाम करण्यास पहाटे पाच ते संध्याकाळी सात वाजेपर्यंत महाराष्ट्र सरकारने परवानगी दिली आहे. सायकलिंग करताना सोशल डिस्टन्सिंगचे पालन होईल” अशा प्रकारच्या फेक अधिसूचना सोशल मीडियावर व्हारल झाल्या आहेत.

हेही वाचा : ब्युटी पार्लरमध्ये केस कापण्याची हौस महागात, कोल्हापुरात मालकिणीसह दोन ग्राहकांवर गुन्हा

“शुक्रवार 29 मेपासून सलून आणि ब्युटी पार्लर सुरु करण्याचा निर्णय राज्य सरकारने घेतला आहे” असाही खोटा मेसेज अधिसूचनेच्या स्वरुपात सोशल मीडियावर व्हायरल झाला आहे. मात्र सोशल मीडियावरील या अधिसूचना फेक आहेत. त्यावर विश्वास ठेऊ नका, असे आवाहन सरकारकडून करण्यात आले आहे. (Social Media Viral Fake Notification on Beauty Parlor and Saloon)

(Social Media Viral Fake Notification on Beauty Parlor and Saloon)

Non Stop LIVE Update

Follow us on

Related Stories

Most Read Stories

Click on your DTH Provider to Add TV9 MARATHI

राज्य चुनें