ठाण्यात राष्ट्रवादीच्या नगरसेवकाचा कोरोनामुळे मृत्यू, आव्हाडांकडून हळहळ व्यक्त

ठाणे : ठाण्यात राष्ट्रवादीच्या एका नगरसेवकाचा कोरोनामुळे मृत्यू झाला (Thane NCP Corporator died due to Corona) आहे. गेल्या 15 दिवसांपासून एका रुग्णालयात त्यांच्यावर उपचार सुरु होते. मात्र उपचारादरम्यान त्यांचा मृत्यू झाला. यामुळे परिसरात हळहळ व्यक्त केली जात आहे.

ठाणे महानगरपालिकेतील राष्ट्रवादी काँग्रेसच्या एका आमदाराला 27 मे रोजी कोरोनाची लागण झाली होती. याबाबत त्यांनी सोशल मीडियावरही जाहीर केले होते. “कोरोनाच्या पार्श्वभूमीवर जनसेवेचा वसा घेतलेल्या मला दुर्दैवाने कोरोनाची लागण झाली आहे. आपणा सर्वांच्या शुभेच्छा व आशीर्वादाच्या पुण्याईने मी लवकरच आपल्या सेवेकरिता पुन्हा रुजू होईन. तोपर्यंत सर्वांनी सरकारने आखून दिलेल्या नियमांचे पालन करुन आपापल्या घरी राहावे ही नम्र विनंती!,” असे आवाहन त्यांनी ट्विटरच्या माध्यमातून जनतेला केलं होतं.

गेल्या 15 दिवसांपासून त्यांच्यावर उपचार सुरु होते. मात्र प्रकृती अस्वस्थ झाल्याने त्यांना रुग्णालयात हलवण्यात आले. अखेर आज (10 जून) त्यांचे निधन झाले. गृहनिर्माण मंत्री जितेंद्र आव्हाड यांनी ट्विट करत याबाबतची माहिती दिली.

ठाण्यातील कळवा भागातील ते नगरसेवक होते. एक उत्तम बांधकाम व्यावसायिक म्हणून त्यांची ओळख होती. त्यानंतर ते राजकारणात आले. ठाणे महापालिका निवडणुकीत मोठ्या मताधिक्याने ते निवडून येतं.

दरम्यान काल मिरा भाईंदर महापालिकेतील शिवसेना नगरसेवकाचा कोरोनामुळे मृत्यू झाला आहे. शिवसेनेच्या या नगरसेवकावर ठाण्याच्या वेदांत हॉस्पिटलमध्ये उपचार सुरु होते. तिथेच त्यांची प्राणज्योत मालवली. आठवड्यापूर्वी या नगरसेवकासह त्यांची आई, बायको आणि भाऊ यांनादेखील कोरोनाची लागण झाली होती. मात्र उपचारानंतर त्यांच्या पत्नीला डिस्चार्ज देण्यात आला होता.  तर भाऊ आणि आई हे अद्यापही वेदांत हॉस्पिटलमध्ये उपचार घेत (Thane NCP Corporator died due to Corona) आहेत.

VIDEO : Corona Special Report | कोरोनासंदर्भात महाराष्ट्रात कुठे काय चाललंय?https://t.co/AKx9aZ7zVL

— TV9 Marathi (@TV9Marathi) June 10, 2020

संबंधित बातम्या : 

मिरा भाईंदरमध्ये शिवसेना नगरसेवकाचा कोरोनामुळे मृत्यू

Maharashtra Corona Update | दिवसभरात 120 जणांचा कोरोनाने मृत्यू, बाधितांचा आकडा 90,787 वर