घरातून गायब झालेल्या तिघांचे मृतदेह झाडाला लटकलेले आढळले, आत्महत्येची शक्यता; शहापूर हादरले
जंगलामध्ये एका झाडाला साडीने बांधून गळफास घेतलेले तिघांचे मृतदेह आढळून आल्याने परिसरात एकच खळबळ उडाली.
ठाणे : शहापूर तालुक्यातील खर्डी येथे एकाच झाडाला साडीने गळफास घेऊन लटकलेल्या (Three Men Found Hanged) अवस्थेत 3 मृतदेह आढळून आले. या घटनेने संपूर्ण गावात एकच खळबळ उडाली. खर्डी जवळील चांदा गावातील मामाभाचे आणि शहापूर येथील एक विवाहित तरुण हे तीन ते चार दिवसांपासून बेपत्ता होते. त्याबाबत पोलीस ठाण्यात तक्रार दाखल करण्यात आली होती (Three Men Found Hanged).
मात्र, आज जंगलामध्ये एका झाडाला साडीने बांधून गळफास घेतलेले तिघांचे मृतदेह आढळून आल्याने परिसरात एकच खळबळ उडाली. घटनास्थळी शहापूर उपविभागीय पोलीस अधिकारी नवनाथ ढवळे, पोलीस निरीक्षक घनश्याम आढाव यांनी आपल्या टीमसोबत जाऊन पाहणी केली असता, ही आत्महत्या असल्याचा प्राथमिक अंदाज पोलिसांनी वर्तवला आहे.
मात्र, खर्डी गावा जवळील चांदे गावातील एक मामा आणि एक त्याचा लहान भाचा व शहापूर येथी एक तरुण असे तिघांचे मृतदेह एकाच झाडाला लटकलेल्या अवस्थेत आढळून आल्याने पोलिसांनी आत्महत्या असल्याचा प्राथमिक अंदाज व्यक्त केला असला तरी हे तिहेरी हत्याकांड असल्याचा दाट संशय नागरिकांनी व्यक्त केला आहे.
शहापूरचे उपविभागीय पोलीस अधिकारी नवनाथ ढवळे, पोलीस निरीक्षक घनश्याम आढाव हे घटनास्थळी पोहचले असून पोलीस तपास सुरु आहे. पोलीस तपास नंतरच आत्महत्या की हत्या या गोष्टीचा उलगडा समोर येणार आहे.
शेजारी राहणाऱ्या तरुणाकडून वारंवार छेडछाड; वैतागलेल्या तरुणीची गळफास घेऊन आत्महत्याhttps://t.co/7QMK6eDqxu #beed #crime
— TV9 Marathi (@TV9Marathi) November 20, 2020
Three Men Found Hanged
संबंधित बातम्या :
तरुणाचा मृतदेह डिक्कीत आढळल्याने खळबळ; मित्रानेच पैशांमुळे खून केल्याचा संशय
