अंडी, चंदन पावडर आणि मध फेसपॅक चेहऱ्यासाठी अत्यंत फायदेशीर, वाचा!

मुंबई : सुंदर त्वचा मिळवण्यासाठी प्रत्येकजण प्रयत्न करत असतो. मात्र, अनेक उत्पादने वापरून सुध्दा म्हणावी तशी त्वचा सुंदर होत नाही. जर आपल्याला सुंदर आणि चमकदार त्वचा पाहिजे असेल तर आपण काही घरगुती उपायांचा अवलंब केला पाहिजे. यामुळे आपली त्वचा सुंदर दिसण्यास मदत होते. विशेष म्हणजे घरगुती फेसपॅक करण्यासाठी आपल्याला जास्त वेळ देखील लागत नाही. (Eggs, sandal powder and honey face pack are beneficial for the skin)

अंडी, चंदन पावडर आणि मधाचा फेसपॅक आपल्या त्वचेसाठी फायदेशीर आहे. हा फेसपॅक घरी तयार करण्यासाठी आपल्याला एक अंडी, दोन चमचे चंदन पावडर आणि एक चमचा मध लागणार आहे. हे वरील सर्व साहित्य एकत्र मिक्स करून त्याची चांगली पेस्ट तयार करा आणि संपूर्ण चेहऱ्याला लावा. साधारण वीस मिनिटे ही पेस्ट आपल्या चेहऱ्यावर तशीच ठेवा आणि त्यानंतर चेहऱ्याचा मसाज करा. कोमट पाण्याने आपला चेहरा धुवा. हा फेसपॅक आपण दररोज सकाळी आपल्या चेहऱ्याला लावला तर मुरूमाची आणि पुरळची समस्या दूर होण्यास मदत होईल.

सर्वात अगोदर एक अंड घ्या आणि ते चांगले फेडून घ्या आणि त्यामध्ये मध मिक्स करा. ही पेस्ट चांगली मिक्स झाल्यानंतर संपूर्ण चेहऱ्याला लावा. साधारण एक तास ही पेस्ट आपल्या चेहऱ्यावर तशीच ठेवा आणि त्यानंतर कोमट पाण्याने आपला चेहरा धुवा. हा फेसपॅक आपण आठवड्यातून तीन ते चार वेळा लावला पाहिजे. यामुळे आपल्या चेहऱ्यावरील, पिंपल्स, मुरूमाचे डाग, सुरकुत्या जाण्यास नक्की मदत होते. अंड्यामध्ये मध मिसळा आणि दररोज चेहऱ्यावर लावा.

हे आपल्या त्वचेला पोषण देईल तसेच एका आठवड्यात आपल्या चेहऱ्यावरही फरक दिसून येईल. सलग 15 दिवस हे केल्यानंतर, आपण दर दोन ते तीन दिवसांनी हे लागू शकतो. हे केल्याने आपल्या चेहऱ्यावरील सुरकुत्या जाण्यास मदत होते. एक चमचा संत्राच्या रसात अंडे घाला आणि चांगले मिसळा. जेंव्हा या मिश्रणाला फेस येतो तेव्हा त्यात अर्धा चमचा हळद घाला आणि चेहऱ्यावर लावा. काही वेळाने हलक्या हाताने चेहऱ्यावर मालिश करा.

(टीप : कोणत्याही उपचारांपूर्वी डॉक्टरांचा सल्ला अवश्य घ्यावा.)

संबंधित बातम्या : 

Weight Loss Drinks | स्लिम-ट्रिम दिसण्याची इच्छाय? मग, झोपण्यापूर्वी प्या ‘हे’ हेल्दी ड्रिंक्स!

Milk | गाय की म्हैस, आपल्या आरोग्यासाठी कोणते दूध अधिक फायदेशीर? जाणून घ्या..

Health care | सकाळी अनवाणी पायांनी गवतावर चालणे आरोग्यासाठी लाभदायी, वाचा याचे फायदे… https://t.co/xnbkgfB8Ea #HealthTips | #Barefoot | #HealthCare

— TV9 Marathi (@TV9Marathi) February 24, 2021

(Eggs, sandal powder and honey face pack are beneficial for the skin)